કચ્છના હરામી નાળા પાસે પાકિસ્તાનની 11 બોટ જપ્ત, એક પણ ઘૂસણખોર ન પકડાયો

ગુજરાતના હરામી નાળા વિસ્તારમાં 9 ફેબ્રુઆરીના રોજ પાકિસ્તાની ફિશિંગ બોટ અને માછીમારોની ઘૂસણખોરીનો ખુલાસો થયો હતો. રાતોરાત સર્ચ ઓપરેશન દરમિયાન 11 પાકિસ્તાની બોટ જપ્ત કરવામાં આવી હતી. હજુ ઓપરેશન ચાલુ છે. ગુજરાત બીએસએફના જણાવ્યા અનુસાર, ભારતીય વાયુસેનાના ત્રણ કમાન્ડો જૂથોને 3 જુદી જુદી દિશામાંથી એરડ્રોપ કરવામાં આવ્યા છે. કમાન્ડો એ વિસ્તારો સુધી પહોંચી રહ્યા છે જ્યાં પાકિસ્તાનીઓ છુપાયેલા હોઈ શકે છે. દલદલ વિસ્તાર અને અન્ય કેટલીક જટિલતાને કારણે સૈનિકોની નોકરી પડકારરૂપ બની રહી છે.

અધિકારીઓના જણાવ્યા અનુસાર, જપ્તી બાદ, BSFએ એ જાણવા માટે ખાડી ક્ષેત્રમાં સર્ચ ઓપરેશન શરૂ કર્યું છે કે શું પડોશી દેશની આવી વધુ કોઈ બોટ ભારતીય જળસીમામાં પ્રવેશી છે કે કેમ. BSFના ગુજરાત ફ્રન્ટિયર ઇન્સ્પેક્ટર જનરલ જી.એસ. મલિકે જણાવ્યું હતું કે નિયમિત પેટ્રોલિંગ દરમિયાન, BSFના જવાનોએ વિસ્તારનો સંપૂર્ણ દૃશ્ય જોવા માટે કેમેરાથી સજ્જ UAVs મોકલ્યા હતા.

UAV દ્વારા, અમે હરામી નાલા વિસ્તારમાં માછીમારી કરતી બોટ જોઈ. બીએસએફની પેટ્રોલિંગ બોટ તાત્કાલિક ઘટનાસ્થળે પહોંચી હતી અને પાકિસ્તાની માછીમારોની બોટને જપ્ત કરી લીધી હતી.

તેમણે કહ્યું કે અત્યાર સુધી કોઈ પાકિસ્તાની માછીમાર પકડાયો નથી કારણ કે આ બોટમાં સવાર લોકો BSFની હાજરીની જાણ થતાં જ પાકિસ્તાન તરફ ભાગી ગયા હોઈ શકે છે. મલિકે કહ્યું કે 11 બોટ રિકવર થયા બાદ અમે ખાડી વિસ્તારમાં સર્ચ ઓપરેશન શરૂ કર્યું છે. અમને લાગે છે કે ત્યાં વધુ બોટ પણ હોઈ શકે છે.