ગૌતમ અદાણીની કંપની અદાણી ટ્રાન્સમિશનએ 10.80 લાખ સ્માર્ટ મીટર સ્થાપિત કરવા અને જાળવવા માટે બૃહન્મુંબઈ મ્યુનિસિપલ કોર્પોરેશન (BMC)ની પેટાકંપની સાથે જોડાણ કર્યું છે. અદાણી ટ્રાન્સમિશનની પેટાકંપની અદાણી ઈલેક્ટ્રીસિટી મુંબઈ અને BMCની પેટાકંપની બૃહન્મુંબઈ ઈલેક્ટ્રિસિટી સપ્લાય એન્ડ ટ્રાન્સપોર્ટ (BEST) વચ્ચે રૂ. 1,300 કરોડમાં કરાર થયા છે, એમ સૂત્રોએ જણાવ્યું હતું. તાજેતરના કરાર હેઠળ, કંપનીએ 30 મહિના દરમિયાન સ્માર્ટ મીટર્સ ઇન્સ્ટોલ કરવાના રહેશે અને આગામી 90 મહિના સુધી તેની જાળવણી કરવી પડશે.
અદાણી ટ્રાન્સમિશનની પેટાકંપની અદાણી ઈલેક્ટ્રીસિટી મુંબઈ ઉપનગરોમાં વીજળીનું વિતરણ કરે છે. અદાણી ગ્રુપની આ કંપની ટાટા પાવર સાથે સ્પર્ધા કરે છે. અદાણી ટ્રાન્સમિશનની નવી સફળતાથી કંપનીનો વ્યાપ વધશે અને તે ટાટા પાવર માટે પડકાર બની શકે છે.
ગ્રાહકોને શું ફાયદો થશે: જો કે, અદાણી ટ્રાન્સમિશનની પેટાકંપની દ્વારા આવા મીટર લગાવવાથી, ગ્રાહકો તેમના વપરાશ વિશે ઓનલાઈન માહિતી મેળવી શકશે અને તે મુજબ પગલાં પણ લઈ શકશે. તેમાં પ્રીપેડ બિલિંગ અને અન્ય સુવિધાઓ પણ મળશે.
અદાણી ટ્રાન્સમિશનના ડિસ્ટ્રિબ્યુશનના ચીફ એક્ઝિક્યુટિવ કંદર્પ પટેલના જણાવ્યા અનુસાર, અમે આ પ્રોજેક્ટને સમયમર્યાદામાં અને અપેક્ષા મુજબ પૂર્ણ કરીશું.
Your IP Address : 3.235.173.24
