ભુવનેશ્વર. ઓડિશામાં વધુ એક ટ્રેન દુર્ઘટનાના સમાચાર છે. જણાવવામાં આવી રહ્યું છે કે સોમવારે રાજ્યના બારગઢ જિલ્લાના મેંધાપલી પાસે માલગાડીના પાંચ ડબ્બા પાટા પરથી ઉતરી ગયા હતા. આ ઘટનામાં કોઈ નુકસાનના સમાચાર નથી.
ઘટના અંગે માહિતી આપતા ઈસ્ટ કોસ્ટ રેલ્વેએ જણાવ્યું હતું કે, ‘ઓડિશાના બારગઢ જિલ્લામાં મેંધાપાલી નજીક ફેક્ટરી પરિસરની અંદર ખાનગી સિમેન્ટ ફેક્ટરી દ્વારા સંચાલિત માલસામાન ટ્રેનના કેટલાક ડબ્બા પાટા પરથી ઉતરી ગયા હતા. આ મામલે રેલવેની કોઈ ભૂમિકા નથી.
તેમણે વધુમાં કહ્યું, ‘તે સંપૂર્ણપણે ખાનગી સિમેન્ટ કંપનીનું નેરોગેજ સાઈડિંગ છે. જ્યાં કંપની દ્વારા રોલિંગ સ્ટોક, એન્જિન, વેગન, ટ્રેન ટ્રેક (નેરોગેજ) સહિત તમામ ઈન્ફ્રાસ્ટ્રક્ચરની જાળવણી કરવામાં આવે છે.
