એપલ કંપની તેના નવા મોડલના આ વર્ષે નવા રૃપરંગ અને વધુ સુવિધા સાથે આગામી સપ્ટેમ્બરમાં લોંચ કરવાની તૈયારી કરી રહી છે. આ નવા મોડલમાં કંપની ફોનની સાઈઝ-ડિઝાઈનમાં ફેરફાર કરી શકે છે. એપલની આગામી સિરીઝમાં ફરી એકવાર ટચ આઈડી સેન્સર આવશે. વિશ્વની સૌથી લોકપ્રિય ટેક કંપનીઓમાં એપલનું નામ છે. આઇફોન 12 પછી હવે કંપની આઇફોન 13ને લોંચ કરવાની કવાયત કરી રહી છે. જો કે, કંપનીએ ગત સપ્ટેમ્બરમાં આઇફોન સિરીઝ લોન્ચ નથી કરી, તેવું વર્ષો પછી પહેલીવાર બન્યું છે. ગત વર્ષે આઇફોન 12ને ઓક્ટોબરમાં કોરોના વાયરસ રોગચાળાને કારણે કંપનીએ લોંચ કર્યો હતો. જો કે, 2021માં સપ્ટેમ્બરમાં જ આઇફોન 13ને બજારમાં મુકી દેવાય તે માટે એપલ અત્યારથી જ તૈયારી કરી રહી છે. આઇફોન 13ના લોન્ચિંગની તારીખ વિશે કંપનીએ હજી કોઈ સત્તાવાર જાહેરાત કરી નથી. પરંતુ સપ્ટેમ્બર 2021માં જ આ મોડલને ગ્રાહકોને વેચાણ માટે મુકવામાં આવશે તે નિશ્ચિત છે.
સુત્રોના જણાવ્યા મુજબ આઇફોન 13ના અન્ય 4 મોડેલ લોન્ચ કરવા પણ કંપની નક્કરપણે વિચારી રહી છે.
જેમાં એપલ આઇફોન 13 સિરીઝ હેઠળ, આઇફોન 13, આઇફોન 13 મીની, આઇફોન 13 પ્રો અને આઇફોન 13 પ્રો મેક્સ સપ્ટેમ્બર મહિનામાં લોન્ચ કરવાની ગણતરી છે. નવા મોડેલમાં વિવિધ સુવિધા પણ ઉપલબ્ધ હશે. જેમાં આઇફોન 13 મીની 60 હર્ટ્ઝ રિફ્રેશ રેટ સાથે 5.4-ઇંચની OLED ડિસ્પ્લે ઓફર કરી શકે છે. આઇફોન 13માં 6.1 ઇંચનું ડિસ્પ્લે હશે. ઉપરાંત આઇફોન 13 પ્રોમાં યુઝર્સને 6.1 ઇંચનું ઓએલઇડી ડિસ્પ્લે અને આઇફોન 13 પ્રો મેક્સમાં 6.7 ઇંચનું ઓએલઇડી ડિસ્પ્લે હશે. બંને મોડલમાં સ્ક્રીનોને 120 હર્ટ્ઝ રિફ્રેશ રેટ સાથે અપાશે. નવી સિરીઝમાં કંપની વધુ અલ્ટ્રા વાઇઝ સેન્સર આપી શકે છે. નવી શ્રેણીમાં, કંપની પહેલા કરતાં વધુ અલ્ટ્રા-વાઇઝ સેન્સર આપી શકે તેવું ગ્રાહકો માની રહ્યા છે. કંપનીની આ ઉતાવળનુ કારણ નોકિયા 13 સામે ઝીંક ઝીલવાનું જ છે. જો કે, તે માટે કંપનીએ ફ્રન્ટ સેન્સિંગ કેમેરાની ચીપનું કદ ઘટાડવું પડે તેમ છે. આ માટે વધુ સ્ક્રીનનો ઉપયોગ કરવાનું આયોજન છે. આઇફોન 13માં નોકિયાનું કદ ઘટાડવામાં આવશે અથવા તે તમામ મોડેલોમાં ઘટાડી દેવાશે. કદ સિવાય, ફોનની ડિઝાઇનમાં પણ ફેરફાર કરવામાં આવનાર છે.