7 સપ્ટેમ્બરે યોજાશે Appleની ઈવેન્ટ, જાણો આ વખતે શું હશે ખાસ

Appleની ઈવેન્ટ સામાન્ય રીતે 12-15 સપ્ટેમ્બરની વચ્ચે થતી હતી, પરંતુ આ વખતે કંપનીએ તેની ઈવેન્ટ પહેલા જ આયોજિત કરવાનો નિર્ણય લીધો છે. Appleની ઇવેન્ટ 7 સપ્ટેમ્બર 2022ના રોજ યોજાવા જઈ રહી છે. કંપનીએ મીડિયા ઈન્વાઈટ દ્વારા આ વાતની પુષ્ટિ કરી છે. 7 સપ્ટેમ્બરે યોજાનારી આ ઈવેન્ટમાં iPhone 14 સિરીઝ લોન્ચ કરવામાં આવશે.
આ સિવાય આ ઈવેન્ટમાં નવી સ્માર્ટવોચ અને નવા આઈપેડની પણ આવવાની અપેક્ષા છે. Appleએ iPhone 14 લોન્ચ ઇવેન્ટ માટે મીડિયા આમંત્રણ સાથે ‘Far Out’ ટેગલાઇનનો ઉપયોગ કર્યો છે. iPhone 14 લૉન્ચ ઇવેન્ટ 7 સપ્ટેમ્બરે રાત્રે 10.30 કલાકે શરૂ થશે. ઈવેન્ટનું આયોજન ઓનલાઈન કરવામાં આવી રહ્યું છે.

iPhone 14 લોન્ચ: શું છે અપેક્ષાઓ 

Appleની આ ઈવેન્ટમાં iPhone 14 સીરીઝ લોન્ચ થવા જઈ રહી છે. iPhone 14, iPhone 14 mini, iPhone 14 Pro અને iPhone 14 Pro Max આ સિરીઝ હેઠળ લૉન્ચ થવાની ધારણા છે, જો કે, ઘણા રિપોર્ટ્સ કહે છે કે Apple આ વખતે મિની વર્ઝન લૉન્ચ કરશે નહીં. iPhone 14ના Pro મોડલમાં 6.7-ઇંચ ડિસ્પ્લે અને Apple A16 Bionic ચિપસેટ હોવાની અપેક્ષા છે.

નવા iPhone મૉડલ ઉપરાંત ઇવેન્ટમાં iPad 10.2 (10મી પેઢી), iPad Pro 12.9 (6ઠ્ઠી પેઢી) અને iPad Pro 11 (4થી પેઢી) પણ લૉન્ચ થવાની અપેક્ષા છે. સૌથી નીચું મોડલ iPad Apple A14 ચિપ અને Type-C પોર્ટ સાથે લોન્ચ કરી શકાય છે, જ્યારે iPad Pro મોડલ M2 ચિપ સાથે ઓફર કરવામાં આવે તેવી અપેક્ષા છે. 

Appleની આ ઇવેન્ટમાં Apple Watch Series 8નું લોન્ચિંગ પણ થવાનું છે. કહેવામાં આવી રહ્યું છે કે, નવી ઘડિયાળ મહિલાઓના સ્વાસ્થ્ય સાથે સંબંધિત સુવિધાઓ સાથે આવી શકે છે. આ સિવાય નવી ઘડિયાળમાં શરીરનું તાપમાન માપવાની સુવિધા પણ હશે. Apple Watch SEનું નવું મોડલ પણ લોન્ચ થઈ શકે છે.