લાખો લીટર પાણીથી ભરેલું એક્વેરિયમ ફાટ્યું, હજારો વિદેશી માછલીઓના મોત !

જર્મનીના બર્લિનમાં એક વિશાળ માછલીઘરમાં વિસ્ફોટ થયો છે. તેમાં હાજર હજારો માછલીઓ માર્યા ગયા હોવાનો અંદાજ છે. જોકે, કોઈ જાનહાનિના સમાચાર નથી.

જર્મનીના બર્લિનમાં એક ખાસ માછલીઘરમાં વિસ્ફોટ થયો, જેના કારણે હજારો માછલીઓ મરી ગઈ. આ સાથે બે લોકો ઘાયલ પણ થયા છે. માછલીઘરમાં વિવિધ પ્રજાતિઓની ઓછામાં ઓછી 1500 માછલીઓ હતી. એક્વેરિયમમાં વિસ્ફોટના કારણે આ વિસ્તારમાં પાણી ભરાઈ ગયા હતા. દુર્ઘટના બાદ 100 બચાવકર્તા ઘટનાસ્થળે પહોંચી ગયા હતા. આ એક્વેરિયમ સંકુલમાં વિસ્ફોટ થયો હતો, તેમાં રેડિસન હોટેલ અને ઘણી દુકાનો પણ હતી.

એક્વેરિયમ એક્વાડોમ તરીકે ઓળખાતું હતું. માછલીઘરની ઊંચાઈ 46 ફૂટ હતી. તેમાં 1 મિલિયન લીટર પાણી હતું. તે એટલું મોટું હતું કે સફાઈ કર્મચારીઓએ તેને સાફ કરવા માટે ઓક્સિજન સિલિન્ડર સાથે અંદર જવું પડ્યું.

બર્લિન ફાયર બ્રિગેડના જણાવ્યા અનુસાર, સર્ચ અને રેસ્ક્યુએ બિલ્ડિંગના ગ્રાઉન્ડ ફ્લોર પર સર્ચ કર્યું છે. ચારેબાજુ કાટમાળ છે પરંતુ કોઈ જાનહાનિના સમાચાર નથી. માછલીઘરમાં વિસ્ફોટનું કારણ જાણી શકાયું નથી. માછલીઘરની માછલીઓનું શું થયું તે અંગે કોઈએ માહિતી આપી નથી.