બજાજ ચેતક ઇલેક્ટ્રિક સ્કૂટર ગુજરાતના આ શહેરમાં ખરીદી માટે ઉપલબ્ધ, જાણો વિગત

બજાજ ચેતક ઇલેક્ટ્રિક સ્કૂટર હવે દિલ્હી, ગોવા અને મુંબઈ સહિત 20 ભારતીય શહેરોમાં ખરીદી માટે ઉપલબ્ધ છે. બજાજ ઓટોએ આજે ​​આ જાણકારી આપી છે. કંપનીએ કહ્યું કે તે 2022ના પ્રથમ 6 અઠવાડિયામાં ચેતક નેટવર્કને બમણું કરવામાં સફળ રહી છે. બજાજ ચેતક ઇલેક્ટ્રિક સ્કૂટર પર હાલમાં 4 થી 8 અઠવાડિયાનો રાહ જોવાનો સમય છે. જે ગ્રાહકો તેને ખરીદવા માંગે છે તેઓ તેને કંપનીની સત્તાવાર વેબસાઇટ પર ઓનલાઈન બુક કરી શકે છે.

કંપનીએ 2022ની શરૂઆતમાં ચેતકના નેટવર્કમાં 12 નવા શહેરો ઉમેર્યા છે જેમાં કોઈમ્બતુર, મદુરાઈ, કોચી, કોઝિકોડ, હુબલી, વિશાખાપટ્ટનમ, નાસિક, વસઈ, સુરત, દિલ્હી, મુંબઈ અને માપુસાનો સમાવેશ થાય છે. બજાજ ઓટોએ તેની ઇલેક્ટ્રિક વાહન ઉત્પાદન ક્ષમતા વધારવા માટે 300 કરોડના રોકાણની પણ જાહેરાત કરી છે. આ પ્રસંગે ટિપ્પણી કરતાં બજાજ ઓટોના એક્ઝિક્યુટિવ ડિરેક્ટર રાકેશ શર્માએ જણાવ્યું હતું કે ચેતકની સફળતા પાછળનું કારણ તેની ગુણવત્તામાં રહેલું છે. અમારી પાસે વેચાણ અને સેવા માટે સંપૂર્ણ ઓન-ગ્રાઉન્ડ નેટવર્ક છે, જે ગ્રાહકોની ચિંતાઓને ઘટાડે છે. અમે ઉચ્ચ માંગને પહોંચી વળવા આગામી થોડા અઠવાડિયામાં ચેતકનું નેટવર્ક બમણું કરવાની યોજના બનાવીએ છીએ.

અર્બન અને પ્રીમિયમ વેરિઅન્ટની વાત કરીએ તો ચેતકના બંને ટ્રિમ યાંત્રિક રીતે સમાન છે. આ બંને સ્કૂટરમાં 3.8kWની મોટર છે. આ સાથે, તેમાં નોન-રિમૂવેબલ 3kWh IP67 લિથિયમ-આયન બેટરી પેકનો ઉપયોગ કરવામાં આવ્યો છે. જો કે, બજારમાં ઘણા ઇલેક્ટ્રિક સ્કૂટર હવે સ્વેપ કરી શકાય તેવી/દૂર કરી શકાય તેવી બેટરી ટેકનોલોજી સાથે આવે છે. ચેતક હજુ આ ટેક્નોલોજી સાથે આવવાનું બાકી છે.

Bajaj Chetak 70kmph ની ટોપ સ્પીડ અને 95km ની રેન્જ (ઇકો મોડમાં) સાથે આવે છે. Bajaj Chetak Indigo Metallic, Velutto Rosso, Brooklyn Black અને Hazelnut કલર વિકલ્પો સાથે આવે છે.