ભારતીય જનતા પાર્ટીએ આ વર્ષે 4 રાજ્યોમાં યોજાનારી વિધાનસભા ચૂંટણી માટે તેના ચૂંટણી પ્રભારીઓની નિમણૂક કરી છે. આ ક્રમમાં ભાજપે રાજસ્થાનમાં પ્રહલાદ જોશીને ચૂંટણી પ્રભારી તરીકે નિયુક્ત કર્યા છે, જ્યારે નીતિન પટેલ અને કુલદીપ બિશ્નોઈને સહ-પ્રભારી બનાવવામાં આવ્યા છે. બીજી બાજુ ભૂપેન્દ્ર યાદવને મધ્યપ્રદેશમાં ચૂંટણી પ્રભારીની કમાન સોંપવામાં આવી છે. આ સાથે અશ્વની વૈષ્ણવને સહ-પ્રભારી બનાવવામાં આવ્યા છે.
આ સાથે ઓમપ્રકાશ માથુરને છત્તીસગઢમાં ચૂંટણી પ્રભારી અને મનસુખ માંડવિયાને સહપ્રભારી તરીકે અને તેલંગાણામાં પ્રકાશ જાવડેકરને ચૂંટણી પ્રભારી અને સુનીલ બંસલને સહપ્રભારી તરીકેની જવાબદારી સોંપવામાં આવી છે. ઇન્ચાર્જ રાજસ્થાનની આગામી વિધાનસભા માટે ભાજપે પ્રહલાદ જોશીને મોટી જવાબદારી સોંપી છે, જ્યારે ગુજરાતના પૂર્વ ડેપ્યુટી સીએમ નીતિન પટેલ અને કુલદીપ બિશ્નોઈને સહ-પ્રભારી બનાવવામાં આવ્યા છે. જણાવી દઈએ કે બિશ્નોઈ હરિયાણાના નેતા છે અને તેઓ કોંગ્રેસમાંથી ભાજપમાં આવ્યા છે. રાજસ્થાનમાં બિશ્નોઈ સમુદાયનો ઘણો પ્રભાવ છે. આ સાથે કુલદીપ બિશ્નોઈને બિશ્નોઈ સમુદાયના નેતા માનવામાં આવે છે.
