Blaupunktએ ભારતીય બજારમાં લૉન્ચ કર્યા BTW09 Earbuds, જાણો કીંમત અને ફીચર્સ

Blaupunktએ તેની નવી ઑડિયો પ્રોડક્ટ Blaupunkt BTW09 earbuds ભારતીય બજારમાં લૉન્ચ કરી છે. આ બ્લૂટૂથ ઈયરબડ્સમાં હાઈબ્રિડ એક્ટિવ નોઈઝ કેન્સલેશન અને વાયરલેસ ચાર્જિંગ જેવી સુવિધાઓ ઉપલબ્ધ છે. તે વ્યસ્ત સ્થળોએ પણ વાપરી શકાય છે. 60 કલાકના બેટરી બેકઅપ સાથે ઇયરબડ્સમાં ટર્બોવોલ્ટ ફાસ્ટ ચાર્જિંગને સપોર્ટ કરવામાં આવ્યો છે. 

Blaupunkt BTW09ની કિંમત

Blaupunkt BTW09 TWS 3,999 રૂપિયાની કિંમતે રજૂ કરવામાં આવ્યું છે. આ ઇયરબડ્સ કંપનીની સત્તાવાર વેબસાઇટ અને એમેઝોન ઇન્ડિયા પરથી સિંગલ બ્લેક કલરમાં ખરીદી શકાય છે.

Blaupunkt BTW09ની વિશિષ્ટતાઓ

Blaupunkt BTW09 TWS 10mm ડ્રાઇવરો દ્વારા સંચાલિત છે જે ક્રિસ્ટલ ક્લિયર ઑડિયો અને સારા BASS હોવાનો દાવો કરવામાં આવે છે. ઇયરબડ્સ હાઇબ્રિડ એક્ટિવ નોઇઝ કેન્સલેશન સાથે 6 ઇન-બિલ્ટ માઇક્સ માટે સપોર્ટ ધરાવે છે. તમને ઇયરબડ દીઠ 3 માઇક્સ મળે છે. કંપનીનો દાવો છે, કે આની મદદથી તમને કોલિંગ દરમિયાન સારો ઓડિયો સપોર્ટ મળે છે, જેથી તમે વ્યસ્ત જગ્યાએ પણ તેનો ઉપયોગ કરી શકો. ઇયરબડ્સમાં 35dB સુધીનો અવાજ રદ થતો જોવા મળે છે. અન્ય કનેક્ટિવિટી માટે, તેમાં બ્લૂટૂથ 5.2 સાથે સિરી અને ગૂગલ આસિસ્ટન્ટ માટે સપોર્ટ છે.

Blaupunkt BTW09 TWSની બેટરી વિશે વાત કરીએ તો તેમાં 60 કલાકના બેટરી બેકઅપનો દાવો કરવામાં આવ્યો છે. કંપનીના જણાવ્યા અનુસાર, તેને 15 મિનિટના ચાર્જિંગ પર 4.5 કલાક સુધી ચલાવી શકાય છે. Blaupunkt BTW09 ટર્બોવોલ્ટ ફાસ્ટ ચાર્જિંગ સાથે વાયરલેસ ચાર્જિંગને પણ સપોર્ટ કરે છે.