માથાભારે ટિકટોક સ્ટાર કિર્તી પટેલની ગેરકાયદેસર મંડળી રચવાના ગુનામાં ધરપકડ, જાણો શું છે મામલો

સુરતની માથાભારે ગણાતી ટિકટોક સ્ટાર કીર્તિ પટેલ ગેરકાયદેસર મંડળી રચીને પોતાના સાગરીતો સાથે ભેંસાણના પરિવાર સાથે ઝઘડો કરવા માટે આવી પહોંચી હતી. જેથી પોલીસે તેમની સામે ગેરકાયદેસર મંડળી રચવી, રાયોટીંગ સહિતના વિવિધ કલમો હેઠળ ગુનો દાખલ કરી 10 વ્યક્તિઓની ધરપકડ કરી હોવાનું સામે આવ્યું છે.

ભેસાણના નવા બસ સ્ટેશન પાસે રહેતા જમનભાઈ ભાયાણી વિરુદ્ધ કીર્તિ પટેલ ઘણા સમયથી પોતાના ઈન્સ્ટાગ્રામ આઈડીમાંથી બેફામ અપશબ્દો સાથએન વીડિયો અપલોડ કરતી હતી. તેમજ જમનભાઈ ભાયાણીને વીડિયોના માધ્યમથી ભૂંડી ગાળો આપીને માર મારવાની ધમકી સુદ્ધા આપી રહી હતી. કીર્તિ પટેલ સાગરીતો સાથે ભેસાણ આવી પહોંચતા ભેસાણ પોલીસ અને એલ.સી.બી.એ કીર્તિ પટેલ અને તેના સાગરીતોને ઝડપી લીધા હતા.

જમનભાઈની ફરિયાદ લઈને પોલીસે કીર્તિ પટેલ (સુરત) , અજય મંગુ જેબલીયા (સુરત) ,અવનીક ભરત વધાસીયા (સુરત) ,ભરત ધીરુ મજેઠીયા (નાના ભાદરકા) , જીતેન્દ્રસિંહ રાઠોડ ( અમદાવાદ) , જતિન લાઠીયા (સુરત), વૈશાખ અરવિંદ રફાળીયા (સુરત) , યશ વિપુલભાઈ મુજપરા (સુરત) , સુરેન્દ્રસિંહ જસુ સિસોદિયા (સાણંદ), જયદિપ લાઠીયા (સુરત) વિરુદ્ધ ગેરકાયદે મંડળી રચીને મારી મારવાની ધમકી આપ્યાની ફરિયાદ દાખલ કરીને કાયદેસર ની કાર્યવાહી હાથ ધરી છે.