Petrol Diesel Prize :કેન્દ્રીય પેટ્રોલિયમ મંત્રી હરદીપ સિંહ પુરીએ સંકેત આપ્યા છે કે આ વર્ષે પેટ્રોલ અને ડીઝલના ભાવમાં ઘટાડો થઈ શકે છે. પુરીએ કહ્યું કે જો Crude oil ના ભાવ વર્તમાન સ્તરે જ રહેશે તો ઈંધણના ભાવમાં ઘટાડો થઈ શકે છે. ઉલ્લેખનીય છે કે લોકસભા ચૂંટણી પહેલા 14 માર્ચે પેટ્રોલ અને ડીઝલના ભાવમાં પ્રતિ લીટર 2 રૂપિયાનો ઘટાડો કરવામાં આવ્યો હતો.આ પહેલા 22 મે 2022ના રોજ કેન્દ્ર સરકારે પેટ્રોલ પર પ્રતિ લીટર 13 રૂપિયા અને ડીઝલ પર 16 રૂપિયા પ્રતિ લીટર એક્સાઈઝ ડ્યુટી ઘટાડીને રાહત આપી હતી.
ક્રૂડ ઓઈલના ભાવમાં ઘટાડો.
એક અહેવાલ મુજબ, સપ્ટેમ્બર 2023 થી ઇંધણના ભાવમાં ઘટાડો થવાની અપેક્ષાઓ છે, જ્યારે વૈશ્વિક બજારમાં બ્રેન્ટ ક્રૂડના ભાવ બેરલ દીઠ $ 70 થી નીચે આવી ગયા હતા. જોકે, સમયાંતરે થોડો વધારો જોવા મળ્યો હતો પરંતુ મોટાભાગે તે બેરલ દીઠ $70-75ની રેન્જમાં રહ્યો હતો.
હરદીપ સિંહ પુરીએ કહ્યું, “હું સંપૂર્ણ ગંભીરતાથી કહી શકું છું કે જો લોકો પૂછે છે કે ઈંધણના ભાવમાં વધુ ઘટાડો ક્યારે થશે, તો મારો જવાબ હશે કે જો ક્રૂડ ઓઈલના ભાવમાં ઘટાડો થવાનો આ ટ્રેન્ડ ચાલુ રહેશે તો ઈંધણના ભાવમાં ઘટાડો થવાની પૂરી સંભાવના છે.”
સરકાર એલપીજીના નુકસાનની ભરપાઈ કરી રહી છે.
પુરીએ એમ પણ કહ્યું કે સરકાર ઉજ્જવલા યોજના હેઠળ એલપીજી સિલિન્ડર પર સબસિડી આપી રહી છે, જેના કારણે સરકારી તેલ કંપનીઓને નુકસાનની ભરપાઈ કરવામાં મુશ્કેલી પડી રહી છે.