ICC ટેસ્ટ ચેમ્પિયનશિપ ફાઈનલ પહેલા ભારતીય ક્રિકેટ ટીમ માટે ચિંતાના સમાચાર આવ્યા છે. ઓસ્ટ્રેલિયા સામે રમાનાર મેગા ફાઈનલ પહેલા ટીમનો કેપ્ટન રોહિત શર્મા ઈજાગ્રસ્ત થયો છે. ટીમની ચિંતાઃ ટેસ્ટ મેચ પહેલા પ્રેક્ટિસ દરમિયાન કેપ્ટનની ઈજા ટીમ મેનેજમેન્ટ માટે ચિંતાનો વિષય છે. હવે આ ઈજા કેટલી ગંભીર છે અને રોહિત શર્મા મેચમાં રમશે કે કેમ, આ અંગે કોચ રાહુલ દ્રવિડ અને ફિઝિયો જ ચોક્કસ જવાબ આપી શકે છે.
ભારતીય ટીમને ICC વર્લ્ડ ટેસ્ટ ચેમ્પિયનશિપ ફાઈનલને લઈને ચિંતાજનક સમાચાર મળ્યા છે. ટીમના કેપ્ટન રોહિત શર્માને પ્રેક્ટિસ દરમિયાન ઈજા થઈ હતી. માહિતી અનુસાર, થ્રો ડાઉન દરમિયાન તેને અંગૂઠામાં ઈજા થઈ હતી, ત્યારબાદ તેણે આગળની પ્રેક્ટિસમાં ભાગ લીધો ન હતો.
રોહિત શર્મા ઘાયલ થયા પછી, ફિઝિયો કમલેશ તેની સાથે થોડો સમય વિતાવ્યો અને ઈજાની ગંભીરતા જાણવાનો પ્રયાસ કર્યો. અત્યારે જે સમાચાર સામે આવી રહ્યા છે તેનાથી રાહત મળશે. કેપ્ટનની ઈજા નજીવી છે અને તે આરામ બાદ રમશે તેવી અપેક્ષા છે.
બુધવારથી ભારત અને ઓસ્ટ્રેલિયા વચ્ચે આઈસીસી વર્લ્ડ ટેસ્ટ ચેમ્પિયનશિપની ફાઈનલ શરૂ થઈ રહી છે. આ ICC ટ્રોફી જીતવા માટે 7 થી 11 જૂનની વચ્ચે બંને ટીમો એકબીજા સાથે લડશે.
ભારતે સતત બીજી વખત ફાઇનલમાં જગ્યા બનાવી છે. ગત વખતે ન્યૂઝીલેન્ડથી મળેલી હારને કારણે ટીમ ઈન્ડિયાને રનર અપ બનીને સંતોષ માનવો પડ્યો હતો. વિરાટ કોહલીની કપ્તાનીમાં ટીમને ગત વખતે હારનો સામનો કરવો પડ્યો હતો. રોહિત શર્માની કપ્તાની હેઠળની ટીમ આ વખતે કોઈ કસર છોડવાની નથી.
