સાવધાન! છોકરીઓ માટે આવાં શબ્દોનો પ્રયોગ કર્યો તો IPCની કલમ 509 હેઠળ થઇ શકે છે જેલની સજા

ઘણીવાર મહિલાઓને અસામાજિક તત્વો તરફથી છેડતીનો સામનો કરવો પડે છે. ક્યારેક તેમને વિચિત્ર શબ્દો પણ સાંભળવા પડે છે. આમાં અશ્લીલ ટિપ્પણીઓ તેમજ અશ્લીલ હરકતો પણ સામેલ છે. જો કે ઘણી વખત પોલીસ આવા લોકો સાથે કડકાઈથી વ્યવહાર કરે છે. પરંતુ તેમ છતાં કેટલાક લોકો સુધરવાનું નામ લેતા નથી. નેશનલ ક્રાઈમ ઈન્વેસ્ટિગેશન બ્યુરો એટલે કે NCIB એ ટ્વિટર પર આ વિશે ઘણી માહિતી શેર કરી છે.

NCIB એ સોશિયલ મીડિયા પ્લેટફોર્મ ટ્વિટર પર એક ટ્વિટ શેર કર્યું છે. આ ટ્વીટમાં NCIBએ છેડતી સંબંધિત કાયદા અને નિયમો વિશે ઘણી માહિતી આપી છે. ટ્વીટમાં NCIBએ લખ્યું છે કે, ‘જો કોઈ વ્યક્તિ કોઈ મહિલાને આવારા, છમ્મક-છલ્લો,આઇટમ, ચૂડેલ, કલમુખી, ચારિત્રહીન જેવા શબ્દોથી સંબોધે છે અથવા અશ્લીલ હરકતો કરે છે, જેનાથી મહિલાનો અનાદર થાય છે, તો તેને IPC કલમ 509 હેઠળ સજા કરવામાં આવશે. જેના હેઠળ 3 વર્ષ સુધીની કેદ/દંડ અથવા બંને થઈ શકે છે. આ ટ્વીટ NCIB દ્વારા 16 ડિસેમ્બરે કરવામાં આવ્યું છે.

આઈપીસીની કલમ 509 મુજબ, જો કોઈ વ્યક્તિ કોઈ મહિલાની લજ્જા અથવા શરમજનક કંઈક બતાવે છે અથવા બોલે છે, તો તેની વિરુદ્ધ કલમ 509 હેઠળ કાર્યવાહી થઈ શકે છે. 3 વર્ષની જેલ અને દંડની જોગવાઈ છે. દંડ અને સજા પણ એક સાથે થઈ શકે છે. જો કે, લોકોને ખબર નથી કે સ્ત્રીને આવારા, છમ્મક-છલ્લો, આઇટમ, ચૂડેલ, કલમુખી, ચારિત્રહીન જેવા શબ્દોથી સંબોધવું પણ તેમના માટે ભારે પડી શકે છે.