બહુચરાજી મંદિરની બહાર વીડિયો બનાવનાર કોન્સટેબલ અર્પિતા ચૌધરી ફરી સસ્પેન્ડ

બહુચરાજી મંદિરમાં પોલીસના યુનિફોર્મમાં વીડિયો બનાવીને સોશિયલ મીડિયા પર વાયરલ કરવા બદલ પોલીસ કોન્સ્ટેબલ અર્પિતા ચૌધરીને ફરી એકવાર સસ્પેન્ડ કરવામાં આવ્યા છે. આ પહેલા પણ જ્યારે અલ્પિતા ચૌધરીના વીડિયો વાયરલ થયા હતા ત્યારે તેમને સસ્પેન્ડ કરવામાં આવ્યા હતા. તે વખતે તેઓ વર્દીમાં ન હતા પરંતુ પોલીસ સ્ટેશનમાં વીડિયો બનાવવા બદલ તેમને સસ્પેન્ડ કરવામાં આવ્યા હતા. અર્પિતા ચૌધરીએ તે ઘટનામાંથી બોધપાઠ ન લીધો અને ફરી એક વખત ફરજ પરનો વીડિયો બનાવી સોશિયલ મીડિયા પર વાયરલ કર્યો હતો.
મળતી માહિતી મુજબ મહેસાણા જિલ્લાના બહુચરાજી મંદિરની સુરક્ષામાં પોલીસ કોન્સ્ટેબલ અર્પિતા ચૌધરી તૈનાત કરવામાં આવ્યાં હતાં.
અર્પિતા ચૌધરીએ અહીં પોલીસ યુનિફોર્મમાં ઓન ડ્યૂટી વીડિયો બનાવીને સોશિયલ મીડિયા પર અપલોડ કરી દીધો હતો. આ વીડિયો સોશિયલ મીડિયા પર વાયરલ થયા બાદ બહુચરાજી પોલીસ સ્ટેશન ઇન્ચાર્જ અર્પિતા ચૌધરીને સસ્પેન્ડ કરી દેવામાં આવ્યા છે. સસ્પેન્ડ થયા બાદ અર્પિતા ચૌધરીએ કહ્યું હતું કે તેણે ફરજ પર હતો ત્યારે વીડિયો બનાવ્યો ન હતો. ફરજ પૂર્ણ થયા પછીનો સમય મારો અંગત સમય છે અને તે સમય દરમિયાન હું મુક્ત છું કે કશું પણ કરું. અર્પિતા ચૌધરીએ આરોપ લગાવ્યો કે કેટલાક મીડિયા હાઉસ પ્રસિદ્ધિ માટે આ મુદ્દો ઉઠાવી રહ્યા છે. જ્યારે સોશિયલ મીડિયા પર હજારો પોલીસકર્મીઓના વીડિયો છે, જેના પર મીડિયા હાઉસ મૌન રહે છે.