ટેસ્લાની ફેક્ટરીમાં ઈલોન મસ્ક પોતાના ભારતીય સોશીયલ મીડીયા ફ્રેન્ડને મળ્યા, પ્રણયે ટ્વીટર પર તસ્વીર કરી શેર

અબજોપતિ અને ટેસ્લાના CEO ઈલોન મસ્ક તાજેતરમાં જ 23 વર્ષના ભારતીય મિત્ર પ્રણય પટોલેને તેમના પ્લાન્ટમાં મળ્યા હતા. પ્રણય પટોલેએ ટ્વીટ કર્યું કે, તેઓ અને એલોન મસ્ક ટેસ્લાના ટેક્સાસ પ્લાન્ટમાં મળ્યા હતા. પ્રણય પટોલેએ ટ્વિટર પર ઈલોન મસ્ક સાથેની પોતાની તસવીરો પણ શેર કરી છે. અગાઉ પ્રણય પટોલે અને એલોન મસ્ક આ વર્ષે મે મહિનામાં પુણેમાં મળ્યા હતા. પ્રણય પટોલે અને એલોન મસ્ક 2018 થી સોશિયલ મીડિયા મિત્રો છે.

પ્રણય પટોલેએ ટ્વીટમાં લખ્યું, ‘ટેક્સાસની ગીગાફેક્ટરીમાં એલોન મસ્કને મળીને આનંદ થયો. આવી નમ્ર અને સરળ વ્યક્તિ ક્યારેય જોઈ નથી. તમે લાખો લોકો માટે પ્રેરણા છો. આ સમાચાર લખાય છે ત્યાં સુધી આ ટ્વિટને 1,675 રીટ્વીટ કરવામાં આવી છે અને 48,000 થી વધુ લાઈક્સ મળી છે.

ઇલોન મસ્ક અને પ્રણયના મિત્રએ ટેસ્લા કારના ઓટોમેટિક વિન્ડસ્ક્રીન વાઇપર પર પ્રણયના ટ્વિટથી શરૂઆત કરી હતી. એલોન મસ્કે પ્રણયના વિચારને તેજસ્વી ગણાવ્યો હતો. ત્યારથી, ઇલોન મસ્ક અને પ્રણય બંને ટ્વિટર પર સતત વાતચીતમાં છે. જણાવી દઈએ કે, પ્રણય પટોલેએ 2018માં પુણેથી એન્જિનિયરિંગ કર્યું છે અને હાલમાં TCSમાં સોફ્ટવેર ડેવલપર તરીકે કામ કરી રહ્યા છે. ટ્વિટર પર પ્રણયનું એકાઉન્ટ વેરિફાઈડ નથી, પરંતુ ફોલોઅર્સની સંખ્યા 1 લાખ 80 હજારથી વધુ છે.