સલમાન ખાનને એરપોર્ટ પર રોકનાર સીઆઇએસએફ જવાનને શું ખરેખર સજા મળી, જાણો સત્ય હકીકત

20 ઓગસ્ટના રોજ સીઆઈએસએફના જવાન સોમનાથ મોહંતીએ સલમાન ખાનને મુંબઈ એરપોર્ટ પર ચેકિંગ માટે રોક્યો હતો. સલમાન ખાનનો આ વીડિયો ઘણો વાયરલ થયો હતો. આ વીડિયોમાં લોકોએ CISF જવાનને હીરો ગણાવ્યો હતો અને તેની ફરજ નિભાવવા બદલ તેની પ્રશંસા પણ કરી હતી. આ પછી ખબર પડી કે સલમાનને રોકનાર અધિકારીનો ફોન જપ્ત કરવામાં આવ્યો છે જેથી તે મીડિયા સાથે વાત ન કરી શકે. જોકે, આ તમામ બાબતો પાયાવિહોણી સાબિત થઈ છે.
CISF ના સત્તાવાર ટ્વિટર હેન્ડલ પરથી ટ્વિટ કરીને આ સમાચારને ખોટો કહેવામાં આવ્યો છે. ટ્વીટ મુજબ, ‘આ ટ્વિટમાં આપવામાં આવેલી માહિતી ખોટી અને પાયાવિહોણી છે. યોગ્ય બાબત એ છે કે સંબંધિત અધિકારીને તેની ફરજની શ્રેષ્ઠ કામગીરી માટે પુરસ્કાર આપવામાં આવ્યો છે. વાસ્તવમાં એક યુઝરે સીઆઈએસએફના સત્તાવાર હેન્ડલને ટેગ કરીને એક પ્રશ્ન પૂછ્યો હતો, જેનો જવાબ આપતી વખતે તેણે બધું નકારી દીધું હતું. આ ટ્વિટ બાદ લોકોએ ફરી CISF જવાન સોમનાથ મોહંતીની પ્રશંસા કરવાનું શરૂ કર્યું છે. એક વ્યક્તિએ ટિપ્પણી કરી અને લખ્યું – CISF અધિકારીને તેમની બહાદુરી માટે સલામ.

અગાઉ અહેવાલ હતો કે સોમનાથ મોહંતીનો મોબાઇલ ફોન મીડિયા સાથે વાતચીત કરવા માટે જપ્ત કરવામાં આવ્યો છે. આ પ્રોટોકોલનું ઉલ્લંઘન છે. આ ઘટના અંગે તે હવે મીડિયા સાથે વાત ન કરે તેની ખાતરી કરવા માટે તેનો મોબાઈલ ફોન જપ્ત કરવામાં આવ્યો છે. તાજેતરમાં સલમાન ખાનનો એક વીડિયો વાયરલ થયો હતો. આ વીડિયોમાં સલમાન એરપોર્ટ પર પ્રવેશ કરવા આગળ વધે છે જ્યારે એક CISF જવાન સલમાનને રોકે છે. લોકોએ સોશિયલ મીડિયા પર સલમાનને રોકનાર જવાનની પ્રશંસા કરી હતી. ઘણા લોકોએ કહ્યું કે ગમે તે હોય, દરેકને એરપોર્ટ પર સુરક્ષા તપાસમાંથી પસાર થવું જોઈએ. તે સમયે સલમાન ખાન ટાઈગર 3 ના શૂટિંગ માટે રશિયા જઈ રહ્યો હતો.