સમગ્ર ગુજરાતમાં શનિવારની સાંજે પોણા આઠ વાગ્યાના આસપાસ આકાશમાં ચમકદાર અવકાશી ગોળા જેવો પદાર્થ જોવા મળતા લોકોમાં કુતુહલ જોવા મળ્યું હતું. અત્યંત ઝડપી ગતિએ અગનગોળા જેવો પદાર્થ પૃથ્વી તરફ નીચે ધસમસતો આવતો જોવા મળ્યો હતો. આ ઘટના જોઈ લોકોમાં ડર સાથે કુતૂહલતા ફેલાઈ હતી. પહેલા તો લોકોને લાગ્યું કે આકાશમાંથી કોઈ ઉલ્કાપિંડ અથવા તો તારો ખર્યો હશે. જો કે, અવકાશ વિજ્ઞાનના નિષ્ણાતોના જણાવ્યા મુજબ ખરતો તારો પૃથ્વી પર આટલો નીચે ના આવી શકે. આ સંજોગોમાં આ અવકાશી પદાર્થ સ્પેસ ડેબ્રી એટલે કે અવકાશી કૃત્રિમ ઉપગ્રહનો કાટમાળ હોવાની પ્રબળ શક્યતા જોવામાં આવી રહી છે.
ગુજરાતમાં આકાશમાં મોડી સાંજના સમયે ઉલ્કાપિંડ જેવો પદાર્થ જોવા મળ્યો હતો. આ કારણે લોકોમાં પહેલાં તો ડર જોવા મળ્યો. લોકોમાં વાયુવેગે એવા સમાચાર ફેલાયા હતા અને આ કારણે લોકો પોતાના ઘરોની છત પર ભેગા થયા હતા. બીજીતરફ આ અવકાશી પદાર્થ કોઈ અવકાશી કૃત્રિમ ઉપગ્રહનો કાટમાળ હોવાની વાતની અવકાશ નિષ્ણાતોએ શક્યતા વ્યક્ત કરી હતી. સાપુતારા નજીકના સનરાઈઝ ડુંગર ઉપર પણ જંગલ વિસ્તારમાં આકાશ માંથી ભેદી ઉલ્કાપિંડ જેવી સળગતી વસ્તુ ધુમાડા ગોટેગોટા સાથે તૂટી પડતા લોકોમાં ભય સાથે અચરજ ફેલાયો હતો.
વિવિધ દેશોની અવકાશ સંસ્થાઓ દ્વારા પૃથ્વી પરથી અવકાશમાં મોકલવામાં આવેલા કૃત્રિમ ઉપગ્રહો એટલે કે સ્પેસ ડેબ્રિશ પૃથ્વી પર પડવાની ઘટનાઓ સામે આવતી રહી છે. આજે વડોદરા અને ગુજરાત સહિત ના આકાશમાં એક જોરદાર મોટો અગનગોળો રાત્રે પોણા આઠ વાગ્યા આસપાસ જોવા મળ્યો હતો જે ધીમે ધીમે નીચે આવતા બે ભાગમાં વહેંચાઇ ગયો હતો. આ અગનગોળો જોઈ અનેક તર્ક-વિતર્ક લોકો કરી રહ્યા છે. હાલ કોઈ ઉલ્કા પડી છે તેવી માહિતી મળી નથી.
Your IP Address : 35.175.119.198
