દુનિયામાં પહેલીવાર રોબોટ બન્યો ‘બોસ’! સીઈઓ તરીકે આખી કંપનીનું સંચાલન

દુનિયા દરરોજ પ્રગતિ કરી રહી છે. 50 વર્ષ પહેલા, જે વસ્તુઓ આપણે કલ્પના પણ કરી શકતા ન હતા તે આજે આપણા જીવનનો એક મહત્વપૂર્ણ ભાગ છે. આ બધું વિજ્ઞાન અને વૈજ્ઞાનિકોના કારણે શક્ય બન્યું છે. પહેલા નાના મશીનો અને પછી રોબોટે આપણું જીવન ઘણું સરળ બનાવ્યું. આજકાલ વૈજ્ઞાનિકો પણ આર્ટિફિશિયલ ઈન્ટેલિજન્સથી હ્યુમનનોઈડ રોબોટ બનાવી રહ્યા છે, જે પોતાની કુશળતાથી દરેકને દંગ કરી દે છે.   ભૂતકાળમાં પણ આર્ટિફિશિયલ ઇન્ટેલિજન્સનો ઉપયોગ કરીને આવા મશીનો બનાવવામાં આવ્યા છે, જે આપણું કામ સરળ બનાવી રહ્યા છે. હવે ચીનની મેટાવર્સ કંપની નેટડ્રેગન વેબસોફ્ટે તેની કંપનીના બોસ તરીકે આર્ટિફિશિયલ ઈન્ટેલિજન્સવાળા હ્યુમનાઈડ રોબોટની નિમણૂક કરી છે. દુનિયામાં આ પ્રકારનો આ પહેલો કિસ્સો છે, જે આખી દુનિયામાં હેડલાઈન્સ બનાવી રહ્યો છે.   રોબોટ મેટાવર્સ કંપનીનો સીઈઓ બન્યો આ કોઈ સાયન્સ ફિક્શન ફિલ્મ જેવું લાગે છે, પરંતુ ચીનની મેટાવર્સ કંપનીએ પોતાની કંપનીના સીઈઓ તરીકે એક રોબોટની નિમણૂક કરી છે. કંપનીનું નામ નેટડ્રેગન વેબસોફ્ટ છે અને તે મલ્ટિપ્લેયર ઓનલાઈન ગેમ્સ અને મોબાઈલ એપ્લિકેશન્સનું ઉત્પાદન અને સંચાલન કરે છે. કંપનીના નવા રોબોટ CEOનું નામ ‘Ms Tang Yu’ છે અને તે હ્યુમનનોઇડ રોબોટ છે. આ રીતે ફુજિયન પ્રાંતની નેટડ્રેગન વેબસોફ્ટ વિશ્વની પ્રથમ કંપની બની છે, જેણે એક્ઝિક્યુટિવ પદ પર મશીન એટલે કે રોબોટની નિમણૂક કરી છે.   રોબોટની જવાબદારી શું હશે? સીઈઓ તરીકે, તાંગ યુ કંપનીના સંગઠન અને કૌશલ્ય વિભાગનું નેતૃત્વ કરશે. નેટડ્રેગન વેબસોફ્ટ એ 10 બિલિયન યુએસ ડોલરની કંપની છે અને તેણે એક પ્રેસ રિલીઝ દ્વારા જણાવ્યું છે કે તેઓ કંપનીના બોસ તરીકે રોબોટને પસંદ કરી રહ્યા છે. તાંગ યુ રોબોટ પ્રતિભાના વિકાસમાં પણ ભૂમિકા ભજવશે અને ડેટા વિશ્લેષણમાં મદદ કરશે. કંપનીનું કહેવું છે કે તેઓ આ પગલાથી સાબિત કરવા માંગે છે કે તેઓ આર્ટિફિશિયલ ઈન્ટેલિજન્સ સ્વીકારવા તૈયાર છે. વર્ષ 2017માં ચીનના અલીબાબાના ફાઉન્ડર જેક માએ આગાહી કરી હતી કે રોબોટ્સ 30 વર્ષ પછી સીઈઓ તરીકે કામ કરવાનું શરૂ કરશે.