વિદેશ મંત્રી ડૉ. એસ. જયશંકર લેટિન અમેરિકાના ત્રણ મોટા દેશ બ્રાઝિલ, આર્જેન્ટિના અને પેરાગ્વેના પ્રવાસે છે. તેમની મુલાકાત દરમિયાન, વિદેશ મંત્રી એસ જયશંકરે લેટિન અમેરિકાના આ વિશાળ ક્ષેત્રમાં હિતધારકો સાથે વધુ જોડાણ માટે સંપર્કો અને બેઠકો યોજી છે. તેમણે અહીં ભારત માટે લેટિન અમેરિકાને મુખ્ય વેપાર કેન્દ્ર બનાવવાના મહત્વ પર ભાર મૂક્યો હતો. નોંધનીય છે કે, વિદેશપ્રધાન એસ. જયશંકર સમગ્ર દ્વિપક્ષીય સંબંધોને વેગ આપવાના ઉદ્દેશ્ય સાથે દક્ષિણ અમેરિકાની તેમની પ્રથમ સત્તાવાર મુલાકાતે છે.
વિદેશ મંત્રી જયશંકરે મંગળવારે બ્રાઝિલના સાઓ પાઉલોમાં અગ્રણી ઉદ્યોગપતિઓ સાથે વાતચીત કરી. આ દરમિયાન તેમણે કહ્યું કે, ભારત અને બ્રાઝિલ માત્ર ભાગીદારો નથી પરંતુ તેમના પરસ્પર વિકાસ અને પ્રગતિ માટે શ્રેષ્ઠ પ્રયાસો પણ શેર કરી શકે છે.
તેમણે સાઓ પાઉલોમાં ઉદ્યોગપતિઓ સાથેની બેઠક વિશે તેમના સત્તાવાર ટ્વિટર હેન્ડલ પર પણ પોસ્ટ કર્યું. તેમણે લખ્યું કે “બ્રાઝિલના સૌથી મોટા ઉદ્યોગ સંગઠન, રાજ્યના સો પાઉલોના ઇન્ડસ્ટ્રી એસોસિએશનની મુલાકાત લીધી. ભારત અને બ્રાઝિલ માત્ર ભાગીદારો નથી પરંતુ તેમના પરસ્પર વિકાસ અને પ્રગતિ માટે શ્રેષ્ઠ પ્રયાસો શેર કરી શકે છે.”
જયશંકરે મંગળવારે ટ્વીટ કર્યું હતું કે, બ્રાઝિલના ઉદ્યમીઓના સંઘ, LIDE સાથેની વાતચીત ફળદાયી હતી. તેમણે આગળ લખ્યું કે ગયા વર્ષે લેટિન અમેરિકા સાથે અમારો સામૂહિક વેપાર 50 બિલિયન યુએસ ડોલરથી થોડો ઓછો હતો. જો ત્યાં વધુ ધ્યાન, જોડાણ, કનેક્ટિવિટી અને આના જેવી વધુ બેઠકો હોય, તો મને લાગે છે કે, અમે લેટિન અમેરિકાને ભારત માટે પણ ખૂબ મોટું વેપાર કેન્દ્ર બનાવી શકીએ છીએ.
Your IP Address : 3.214.216.26
