• Tue. Feb 18th, 2025

Dakshin Gujarat Vartman

નીડર અને નિષ્પક્ષ અખબાર...

સુરતઃ ગોલ્ડ ફેક્ટરીમાંથી 1.5 કરોડના સોનાની ચોરીનો ભેદ ઉકેલાયો, પોલીસે આ રીતે કર્યો ખુલાસો

સુરત શહેરના મહિધરપુરા પોલીસ સ્ટેશન વિસ્તારમાં આવેલી સોનાની ફેક્ટરીમાંથી 27 ઓક્ટોબરના રોજ આશરે 1.5 કરોડની કિંમતનો 1822 ગ્રામ રિફાઈન્ડ ગોલ્ડ પાવડરની ચોરી થઈ હતી. જેનો ખુલાસો પોલીસ દ્વારા કરવામાં આવ્યો છે. આ ઉપરાંત ચોરીના છ આરોપીઓની પણ ધરપકડ કરવામાં આવી છે.

સુરત શહેરના મહિધરપુરા પોલીસ સ્ટેશન વિસ્તારમાં આવેલી સોનાની ફેક્ટરીમાંથી 27 ઓક્ટોબરના રોજ આશરે 1.5 કરોડની કિંમતનો 1822 ગ્રામ રિફાઈન્ડ ગોલ્ડ પાવડરની ચોરી થઈ હતી. આ ચોરીની ઘટનાને 6 લોકોએ અંજામ આપ્યો હતો. તેમાંથી એક ફેક્ટરીનો કર્મચારી હતો અને તેણે જ અન્ય ચોરોને ચોરી કરવાની સૂચના આપી હતી. સુરતના મહિધરપુરા પોલીસે આ કેસમાં 6 લોકોની ધરપકડ કરી છે. ફેક્ટરીમાં ચોરી કરવા ગયેલા આ ચોરોની તસવીરો પણ સીસીટીવીમાં કેદ થઈ ગઈ હતી.

મહિધરપુરા વિસ્તારમાં આવેલી મેજોરિયા જ્વેલર્સ પ્રાઈવેટ લિમિટેડ નામની ફેક્ટરીમાં ચોરીને અંજામ આપવા માટે ચોરો ફેક્ટરીની પાછળના ઝાડ પર ચઢી છત પર ગયા હતા અને પછી વેન્ટિલેશન માટે લગાવેલા એક્ઝોસ્ટ ફેનને તોડીને સોનાના રિફાઈનિંગ વિભાગમાં પહોંચ્યા હતા. જ્યારે આ ફેક્ટરીમાં કામ કરતો કર્મચારી ફેક્ટરીની બહાર મોનીટરીંગ કરી રહ્યો હતો. ધરપકડ કરાયેલા તમામ છ આરોપીઓ અગાઉ ગોલ્ડ રિફાઇનિંગના કારખાનામાં કામ કરતા હતા.

જેના કારણે તે કાચા સોનાને 24 કેરેટ સોનામાં બદલવાની સમગ્ર પ્રક્રિયા જાણતો હતો. સુરત શહેરના જિનવાલા ઉદ્યોગ બિલ્ડીંગ, વસ્તા દેવરી રોડ, મહિધરપુરા વિસ્તારમાં આવેલા મેજોરિયા જ્વેલર્સ પ્રાઈવેટ લિમિટેડ રિફાઈનિંગ વિભાગમાં અલગ-અલગ કેરેટ સોનું અને 24 કેરેટ સોનું શુદ્ધ કરવામાં આવે છે. 27 ઓક્ટોબરના રોજ ફેક્ટરીના રિફાઈનિંગ વિભાગમાં રાખેલો સોનાનો પાવડર ચોરાઈ ગયો હતો. જેની કિંમત 1 કરોડ 45 લાખ રૂપિયા હતી. ચોરીને અંજામ આપ્યા બાદ ચોરો અહીંથી ભાગી ગયા હતા.

ચોરીની આ ઘટના બાદ પોલીસે અલગ-અલગ ટીમો બનાવી ફેક્ટરીમાં લગાવેલા સીસીટીવી ફૂટેજના આધારે તપાસ શરૂ કરી હતી. પૂછપરછ દરમિયાન ફેક્ટરીના કર્મચારી અનુ કુમાર નિષાદે જણાવ્યું હતું કે તેણે અન્ય છ લોકો સાથે મળીને ફેક્ટરીમાં ચોરીને અંજામ આપ્યો હતો.

આરોપી અનુ કુમાર મેજોરિયા જ્વેલર્સ પ્રાઈવેટ લિમિટેડના રિફાઈનરી વિભાગમાં કામ કરતો હતો. સુરત પોલીસના ડીસીપી વિજય સિંહ ગુર્જરે જણાવ્યું કે આરોપી અનુ કુમાર દોઢ મહિના પહેલા આ ફેક્ટરીમાં જોડાયો હતો. આ ફેક્ટરીમાં સોનાનો મોટો જથ્થો આવ્યો હોવાની તેમને જાણ હતી. જે બાદ તેણે તેના અન્ય સાગરિતોને જાણ કરી અને ચોરી કરવાનો પ્લાન બનાવ્યો.