ચાર વર્ષ પહેલા હિન્દુ ધર્મ સ્વીકારી સાધુ બનેલા પૂજારીની હત્યા, શરીરના ચાર ટૂકડા કરી નદી કિનારે ફેંક્યા

રાજસ્થાનના ધોલપુર જિલ્લામાં એક સાધુની ઘાતકી હત્યા કરવામાં આવી હતી. ચાર ભાગમાં ધાબળામાં લપેટાયેલ સાધુનો મૃતદેહ નદીના કિનારેથી મળી આવ્યો હતો. સાધુનો મૃતદેહ મળી આવતાં વિસ્તારમાં સનસનાટી ફેલાઈ ગઈ હતી અને લોકોનું ભારે ટોળું ત્યાં એકત્ર થઈ ગયું હતું. પોલીસે મૃતદેહનો કબજો સંભાળી લીધો છે. કહેવામાં આવી રહ્યું છે કે ચાર-પાંચ વર્ષ પહેલા પૂજારીએ હિંદુ ધર્મ અપનાવ્યો હતો. તે પછી તે મંદિરમાં પૂજા કરતો હતો. પોલીસે પૂજારીના મૃતદેહને કબજામાં લીધો છે. હાલ હત્યારાઓનો કોઈ સુરાગ મળ્યો નથી. પોલીસ સમગ્ર મામલાની તપાસમાં લાગેલી છે.

મળતી માહિતી મુજબ, બારી સબડિવિઝનના કંચનપુર પોલીસ સ્ટેશન વિસ્તારમાં પૂજારીની હત્યા કરવામાં આવી હતી. અહીં બુધવારે ભીમગઢમાં સાધુના વેશમાં એક આધેડનો મૃતદેહ મળી આવતાં સનસનાટી ફેલાઈ ગઈ હતી. ઘટનાની જાણ થતા જ ગ્રામજનોના ટોળા ત્યાં એકઠા થઈ ગયા હતા અને પોલીસને જાણ કરવામાં આવી હતી. જ્યારે કંચનપુર પોલીસ ઘટનાસ્થળે પહોંચી અને ધાબળાનાં બંડલની શોધખોળ કરી તો તેમાં મૃતદેહના ટુકડા મળી આવ્યા. બાદમાં મૃતદેહની ઓળખ ભીમગઢના ભાવુદ્દીનના પુત્ર શેરખાન તરીકે થઈ હતી.

છેલ્લા ઘણા સમયથી તે છમડ માતાના મંદિરે પૂજા અર્ચના કરતો હતો અને ભીક્ષુક તરીકે જીવન ગુજારતો હતો. ગામના લોકોએ જણાવ્યું કે નજીકમાં એક ગુફા છે. કેટલાક સંતો તેમાં રહેતા હતા. તે સાધુ સ્થળ પરથી ગાયબ હોવાથી તેના પર હત્યાની આશંકા છે. ગ્રામજનોના જણાવ્યા અનુસાર ભાવુદ્દીન રવિવારથી મંદિરમાંથી ગુમ હતો. ગામના તેના પરિવારના સભ્યો તેને રોજ ચા આપવા જતા. પરંતુ રવિવારથી તે મળી રહ્યો ન હતો.

આવી સ્થિતિમાં તેના ગુમ થવાના સમાચાર ગામમાં ફેલાઈ ગયા, જેથી મંગળવારે સાંજે ગ્રામજનોએ તેની ઘણી શોધ કરી પરંતુ તેનો કોઈ સુરાગ મળ્યો ન હતો. બુધવારે સવારે ગ્રામજનો ફરી એકઠા થયા અને તેને જોવા ગયા ત્યારે તેની લાશ બામણી નદીના કિનારે આવેલા ખાડામાં પાણી પાસે પડેલી મળી આવી હતી. ઘટના બાદ કંચનપુરના એસએચઓ હેમરાજ શર્મા સાથે પોલીસની ટીમ ઘટનાસ્થળે હાજર છે. આ અંગે ઉચ્ચ અધિકારીઓને જાણ કરવામાં આવી છે. પોલીસ ઘટનાસ્થળે પુરાવા એકત્ર કરી રહી છે. ઉલ્લેખનીય છે કે રાજસ્થાનમાં સાધુની હત્યાનો આ પહેલો મામલો નથી. આ પહેલા પણ આવી ઘટનાઓ બની છે.