વિધાનસભા ચૂંટણી વચ્ચે ઇનકમ ટેક્સ વિભાગનો સપાટો, ગુજરાતમાં આ ત્રણ સ્થળોએ દરોડા

ગુજરાતમાં વિધાનસભાની ચૂંટણીને લઈને ચાલી રહેલા આંદોલનો વચ્ચે આવકવેરા વિભાગની મોટી કાર્યવાહી જોવા મળી રહી છે. ગુજરાતની ચૂંટણી પહેલા એક મોટું પગલું ભરતાં IT વિભાગે ગાંધીધામ, ભુજ અને રાજકોટમાં દરોડા પાડ્યા છે. કહેવામાં આવી રહ્યું છે કે આ દરોડા ફાયનાન્સ બ્રોકર્સ, રિયલ એસ્ટેટ સાથે જોડાયેલા લોકોના સ્થાન પર કરવામાં આવી રહ્યા છે.

જો કે આવકવેરા વિભાગની આ કાર્યવાહીમાં કેટલી કરચોરી થઈ છે તેનો ખુલાસો કરવામાં આવ્યો નથી. પરંતુ જણાવવામાં આવી રહ્યું છે કે, રાજકોટ, ભુજ અને ગાંધીધામ એમ ત્રણેય જગ્યાએ આવકવેરા વિભાગના અધિકારીઓ અને કર્મચારીઓ મોટી સંખ્યામાં દરોડા પાડી રહ્યા છે. અહીં કયા લોકો પર દરોડા પાડવામાં આવે છે તેની વિગતોની રાહ જોવાઈ રહી છે.

આવકવેરા વિભાગની આ કાર્યવાહી એવા સમયે જોવા મળી છે જ્યારે ગુજરાતમાં બે તબક્કામાં 1 ડિસેમ્બર અને 5 ડિસેમ્બરે ચૂંટણી છે. હિમાચલ પ્રદેશની સાથે ગુજરાત વિધાનસભા ચૂંટણીના પરિણામો 8 ડિસેમ્બરે આવશે. છેલ્લા 27 વર્ષથી ગુજરાતની સત્તા પર ભાજપનો કબજો છે, પરંતુ આ વખતે આમ આદમી પાર્ટીની જોરદાર એન્ટ્રીના કારણે સ્પર્ધા ત્રિકોણીય થવાની ધારણા છે