IND Vs PAK: 2023 એશિયા કપ અને 2025 આઇસીસી ચેમ્પિયન્સ ટ્રોફીની યજમાની કરશે પાકિસ્તાન, ભારત શું કરશે

પાકિસ્તાન ક્રિકેટ બોર્ડે તાજેતરમાં 2023થી 2027 સુધી પોતાના ફ્યૂચર ટૂર્સ પ્રોગ્રામની જાહેરાત કરી છે. એક મોટા નિર્ણય અનુસાર પાકિસ્તાન એશિયા કપ 2023ની યજમાની કરવા માટે તૈયાર છે. સાથે જ પાકિસ્તાન આઇસીસી ચેમ્પિયન્સ ટ્રોફી 2025ની યજમાની પણ કરી શકે છે. ક્રિકેટ બોર્ડનો આ નિર્ણય હવે એક મોટો સવાલ ઉભો કરે છે કે શું ટીમ ઇન્ડિયા અંતે પાકિસ્તાનનો પ્રવાસ કરવા માટે મજબૂર બની જશે. ભારત અને પાકિસ્તાન વચ્ચે રમાનાર મેચને એક દાયકા કરતા વધુ સમય થઇ ગયો છે. અંતિમ વખતે પાકિસ્તાને ભારતનો પ્રવાસ 2012-13માં કર્યો હતો, તે સમયે પાકિસ્તાને ત્રણ વન ડે અને 2 ટી-20 મેચ રમી હતી.

યજમાની કરશે પાકિસ્તાન

અંતિમ વખતે ભારતે પાકિસ્તાનનો પ્રવાસ 2008માં કર્યો હતો. ભારતીય ક્રિકેટ કંટ્રોલ બોર્ડ (BCCI) હવે એક મુશ્કેલમાં છે કારણ કે પાકિસ્તાન એક નહી પણ બે-બે મોટી ટૂર્નામેન્ટની યજમાની કરવા માટે તૈયાર છે. એશિયા કપ 2023, 50 ઓવરના ફોર્મેટમાં રમાનાર છે, કારણ કે આ વર્લ્ડકપ પહેલા રમાશે જેની યજમાની ભારત કરશે. પીસીબીએ ચાર વર્ષની જર્નીમાં લગભગ 238 દિવસનો આંતરરાષ્ટ્રીય ક્રિકેટ કાર્યક્રમ નક્કી કર્યો છે જેમાં 27 આઇસીસી વર્લ્ડ ટેસ્ટ ચેમ્પિયનશિપ, 47 વન ડે આંતરરાષ્ટ્રીય ક્રિકેટ મેચ, 56 ટી-20 આંતરરાષ્ટ્રીય ક્રિકેટ મેચની સાથે જ તેમાં એસીસી 50 ઓવર એશિયા કપ અને આઇસીસી આંતરરાષ્ટ્રીય ટ્રોફી જે પાકિસ્તાન 2023 અને 2025માં આયોજિત કરવાનું છે.

શું ભારત બૉયકૉટ કરશે

જેવા જ પાકિસ્તાન 2023થી 2027 વચ્ચે રમાનાર આઇસીસી અને એસીસી ઇવેન્ટને ખતમ કરશે તેવા જ આયોજિત થનારી આ મેચની સંખ્યા વધી શકે છે. મહત્વપૂર્ણ છે કે ફ્યૂચર ટૂર પ્રોગ્રામ આઇસીસી બોર્ડ દ્વારા તૈયાર થઇ ચુક્યો છે. જોકે, પાકિસ્તાન વિશ્વ ટેસ્ટ ચેમ્પિયનશિપ આગામી ચક્રમાં પણ ભારતનો સામનો નહી કરે. 2023-2025માં રમાનાર આઇસીસી વર્લ્ડ ટેસ્ટ ચેમ્પિયનશિપમાં પાકિસ્તાન ઓસ્ટ્રેલિયા, બાંગ્લાદેશ, ઇંગ્લેન્ડ, સાઉથ આફ્રિકા, શ્રીલંકા, વેસ્ટ ઇન્ડીઝની સાથે મેચ લડશે. બીજી તરફ 2025-2027માં રમાનાર ચેમ્પિયનશિપ બાંગ્લાદેશ, ઇંગ્લેન્ડ, ન્યૂઝીલેન્ડ, સાઉથ આફ્રિકા, શ્રીલંકા, વેસ્ટ ઇન્ડીઝ સાથે મેચ રમશે.