મધ્યપ્રદેશના ઇન્દોરમાં પતિએ સગીર પત્નીને ગુજરાતના એક વ્યક્તિને વેચી દીધી, ગોડાઉનમાં સગીરા સાથે થયું દુષ્કર્મ

મધ્યપ્રદેશના ઈન્દોરમાં એક ખૂબ જ શરમજનક કિસ્સો સામે આવ્યો છે. અહીં એક 17 વર્ષની છોકરીને ગુજરાતના એક વ્યક્તિને 1.80 લાખ રૂપિયામાં વેચી દેવામાં આવી હતી. આ મામલાની માહિતી મળતાં પોલીસ સક્રિય થઈ હતી અને તપાસ કર્યા બાદ દંપતી અને અન્ય ચાર લોકોની ધરપકડ કરી હતી. પોલીસનું કહેવું છે કે એક મહિલાએ લગ્નના બહાને યુવતીને એક પુરુષને વેચી દીધી હતી.

એજન્સીના જણાવ્યા અનુસાર, જ્યારે દંપતીએ છોકરીને ગુજરાતના એક વ્યક્તિને વેચી હતી, ત્યારે તે સગીરાને પોતાની સાથે લઈ ગયો હતો. ત્યાં યુવતી સાથે દુષ્કર્મ આચરવામાં આવ્યું હતું. કોઈક રીતે છોકરી ત્યાંથી ભાગી ગઈ અને કોઈક રીતે ઈન્દોર પાછી આવી. ઈન્દોર પરત ફર્યા બાદ યુવતીએ આ મામલે પોલીસને ફરિયાદ કરી હતી. પોલીસે પોક્સો એક્ટ હેઠળ ગુનો નોંધી તપાસ શરૂ કરી છે.

પોલીસે યુવતીને વેચનાર મહિલા અને તેના પતિની ધરપકડ કરી છે અને તેને ગુજરાત લઈ જનારા ચાર લોકોની પણ ધરપકડ કરવામાં આવી છે. આરોપીની ધરપકડ કરવા માટે એક ટીમ ગુજરાત મોકલવામાં આવી છે અને કેસની તપાસ માટે સ્પેશિયલ ઇન્વેસ્ટિગેશન ટીમ (SIT)ની રચના કરવામાં આવી છે.

ડેપ્યુટી કમિશનર ઓફ પોલીસ હૃષિકેશ મીણાએ જણાવ્યું કે એક મહિલાએ લગ્નના બહાને છોકરીને ગુજરાતના એક વ્યક્તિને વેચી દીધી. મીનાએ કહ્યું કે યુવતીએ કહ્યું કે તે વ્યક્તિએ તેને બે દિવસ સુધી ગોડાઉનમાં રાખી અને તેની સાથે બળાત્કાર કર્યો. તે કોઈક રીતે ત્યાંથી ભાગી ગઈ અને ઈન્દોર પાછી આવી.

ડીસીપીએ કહ્યું કે છોકરીને વેચનારી મહિલા અને તેના પતિની સાથે ચાર લોકોની ધરપકડ કરવામાં આવી છે જેઓ તેને ગુજરાત લઈ ગયા હતા. યુવતીને ગોડાઉનમાં બંધક બનાવીને તેના પર બળાત્કાર ગુજારનાર વ્યક્તિને પકડવા માટે એક ટીમ ગુજરાત ગઈ છે.