ગુજરાતમાં પોતાનું ઘર લેવું બન્યું મુશ્કેલ, પ્રતિ ચોરસ ફૂટ આટલા રૂપિયાનો વધારો

સ્ટીલ અને સિમેન્ટના ભાવમાં સતત વધારાને પગલે ડેવલપર્સે જાહેરાત કરી છે કે પ્રોપર્ટીની કિંમત પ્રતિ ચોરસ ફૂટ રૂ. 400-500 વધારો થશે. આ જાહેરાત CREDAI ગુજરાતના સભ્યો દ્વારા કરવામાં આવી છે અને તે ડેવલપર્સ બોડીના લગભગ 40 શહેરોમાં લાગુ થશે. પાલનપુરમાં મંગળવારે મળેલી ક્રેડેલ ગુજરાતની બોર્ડ મિટિંગ દરમિયાન આ નિર્ણય લેવામાં આવ્યો છે. કાચા માલના ભાવ છેલ્લા કેટલાક સમયથી રિયલ એસ્ટેટ ડેવલપર્સ માટે અભિશાપ સમાન છે.

ક્રેડાઈ ગુજરાતના પ્રેસિડેન્ટ અજય પટેલે જણાવ્યું હતું કે, સ્ટીલ અને સિમેન્ટના ભાવમાં સતત વધારો થઈ રહ્યો છે જેના કારણે ડેવલપર્સને મળતો ફાયદો પણ ઘટી રહ્યો છે. આથી પ્રોપર્ટીની કિંમતો 2 એપ્રિલથી અમલી બનશે, તે કોમર્શિયલ હોય કે રેસિડેન્શિયલ, ગુજરાતભરના ડેવલપર્સ સૂચવે છે કે સ્ટીલ અને સિમેન્ટ ઉપરાંત હાર્ડવેર, ગ્લાસ પેનલ્સ અને અન્ય કાચા માલના ભાવમાં પણ નોંધપાત્ર વધારો થયો છે.

સ્ટીલના ભાવ રૂ. 80,500 પ્રતિ ટનને સ્પર્શી ગયા છે, જ્યારે સિમેન્ટની કિંમત રૂ. 430 પ્રતિ થેલી છે, જે ચાલુ પ્રોજેક્ટ્સમાં બાંધકામના ખર્ચમાં વધારો કરે છે. ડિસેમ્બરના અંતમાં સ્ટીલના ભાવ રૂ. 60,000 પ્રતિ ટન હતા જ્યારે સિમેન્ટના ભાવ સમાન સમયગાળા દરમિયાન રૂ. 325 પ્રતિ ટન હતા. આ રીતે જોઈ શકાય છે કે કેટલો વધારો જોવા મળ્યો છે.