યુટ્યુબ પર આવેલી એક કોમેન્ટને લીધે કિશોર તેના પરિવારને ફરી મળ્યો, જાણો શું છે મામલો

ઉત્તર પ્રદેશના આગ્રાના શમસાબાદથી યુટ્યુબ પર કરવામાં આવેલી કોમેન્ટે કિશોરને પરિવાર સાથે ફરીથી ભેગો કરી દીધો. આ વાત સાંભળવામાં અજીબ લાગશે, પરંતુ આ સંપૂર્ણ રીતે સત્ય છે. ઘટના શમશાબાદ પોલીસ સ્ટેશન વિસ્તારની છે. ઘરમાંથી ગુસ્સે થઇને કિશોર રસ્તો ભટકી ગયો હતો અને તે શમશાબાદ પોલીસ સ્ટેશન પહોંચી ગયો હતો. ગામ લોકો 12 વર્ષના શાહબાઝને પોલીસ સ્ટેશન લઈ ગયા. જ્યારે પોલીસે શાહબાઝની પૂછપરછ કરી તો જાણવા મળ્યું કે શાહબાઝનો મોટો ભાઈ અરમાન યુટ્યુબ ચેનલ ચલાવે છે.

શાહબાઝ પાસેથી મળેલી માહિતી પર પોલીસે તેના ભાઈ અરમાનની યુટ્યુબ ચેનલ સર્ચ કરી હતી. યુટ્યુબ ચેનલ પર મોબાઈલ નંબર મળ્યો. પોલીસનો નંબર ડાયલ કર્યો તો તે સ્વીચ ઓફ હતો. આ પછી, પોલીસે 2 દિવસ પહેલા પોસ્ટ કરેલા શાહબાઝના ભાઈના વીડિયો પર ટિપ્પણી કરી. કોમેન્ટમાં લખ્યું, “અરમાન, તારો નંબર મોકલ, મારે તેના વિશે વાત કરવી છે, મારે તારા ભાઈ વિશે જણાવવું છે.

કોમેન્ટ વાંચ્યા પછી, અરમાને જવાબ આપ્યો અને શમશાબાદ પોલીસ સ્ટેશનમાં તૈનાત કોન્સ્ટેબલ સાથે વાત કરી. પોલીસે અરમાનને જણાવ્યું કે તેનો ભાઈ શમસાબાદ પોલીસ સ્ટેશનમાં છે. રસ્તે ભટકીને શમસાબાદ પહોંચ્યો છે.

માહિતી મળ્યા બાદ અરમાન તેના પરિવાર સાથે શમશાબાદ પોલીસ સ્ટેશન પહોંચ્યો હતો. પરિવારે શાહબાઝને તેના પરિવારને સોંપી દીધો. શાહબાઝને મળીને પરિવારના સભ્યો ખૂબ જ ખુશ થઈ ગયા. 12 વર્ષીય શાહબાઝ ભરતપુરનો રહેવાસી છે. પરિવાર સખત મહેનત કરે છે. કહેવામાં આવી રહ્યું છે કે ભાઈ અરમાનની પત્ની અફસાનાએ શાહબાઝને ઠપકો આપ્યો હતો. આનાથી નારાજ થઈને શાહબાઝ ઘર છોડીને ભટકતો રહ્યો.

જ્યારે પોલીસે શાહબાઝના પરિવારનો સંપર્ક કર્યો તો તેમની ખુશીનો પાર ન રહ્યો. પુત્રને પરત મળતા પરિવારજનો ખૂબ જ ખુશ છે. પરિવારે પોલીસનો આભાર માન્યો હતો.