કોરોનાના જોખમ વચ્ચે સુરત અને અમદાવાદમાં પતંગબજારો ઉભરાઇ પડ્યા, પતંગ ખરીદવા દોડાદોડ

સુરત શહેર સહિત રાજ્યભરમાં કોરોનાએ હાહાકાર મચાવ્યો છે, જેના નિવારણ માટે રાજ્ય સરકારે રાત્રિના કર્ફ્યુનો સમય વધારવાની સાથે અનેક નિયંત્રણો પણ લગાવ્યા છે. જેથી કરીને લોકોને કોરોનાથી સુરક્ષિત રાખી શકાય. પરંતુ જ્યારે લોકો ખુદ કોરોનાને આમંત્રણ આપી રહ્યા છે. ગુજરાતમાં રોજના અડધાથી વધુ કેસ અમદાવાદમાં નોંધાઈ રહ્યા છે. કોરોના ચેપનું એપી સેન્ટર બનેલા અમદાવાદ અને સુરતના લોકો હજુ પણ ગંભીર નથી અને કોવિડના નિયમોનો ભંગ કરી રહ્યા છે.

મકરસંક્રાંતિ પહેલાના છેલ્લા રવિવારે અમદાવાદ અને સુરતના બજારોમાં ખરીદી માટે લોકોની ભીડ જોવા મળી હતી. સામાજિક અંતર છોડો જેમાં લોકોએ માસ્ક પણ પહેર્યા ન હતા. અમદાવાદના રાયપુર, ખાડિયા અને દિલ્હી દરવાજા ખાતે આવેલા પતંગ બજારમાં લોકોની ભારે ભીડ કોરોનાને આમંત્રણ આપી રહી છે. ઉપરાંત સુરતના પતંગબજારો પર પતંગરસિયાઓથી ઉભરાઇ પડ્યા હતા. અમદાવાદના તીન દરવાજા અને ભદ્ર વિસ્તારમાં વર્ષમાં 365 દિવસ ખરીદદારોનો ધસારો રહે છે અને આવી ભીડ ચેપને હવા આપી રહી છે. આવા સ્થળોએ હાજર પોલીસ પણ મુક પ્રેક્ષક બનીને તમાશો જોઈ રહી છે. સુરતમાં ડબગરવાડમાં ઉતરાણ પહેલાના છેલ્લા રવિવારે પતંગરસિયાઓ વહેલા તે પહેલા ધોરણે પતંગ મળતા હોય એ રીતે દોડી આવ્યા હતા.

પહેલી અને બીજી લહેર પછી લોકો કોરોનાને લઈને ગંભીર નથી. લોકોને કોવિડ નિયમોનું ચુસ્તપણે પાલન કરવાની અપીલ કરીને વહીવટીતંત્રે પોતાની જવાબદારી નિભાવી છે. હવે જવાબદારી સામાન્ય લોકોની છે જેમણે કોવિડના નિયમોનું પાલન કરીને પોતાને અને બીજાને સુરક્ષિત રાખવાના છે. એ અલગ વાત છે કે અત્યારે પરિસ્થિતિ એટલી ગંભીર નથી, પરંતુ જો લોકો બેદરકારી દાખવે તો પરિસ્થિતિ બગડતાં વાર નથી લાગતી.