કોલકાત્તા નાઇટ રાઇડર્સે નવા કેપ્ટનનું નામ જાહેર કર્યુ, ભારતીય ટીમનો આ ખેલાડી કરશે ટીમનું નેતૃત્વ

કોલકાતા નાઈટ રાઈડર્સે શ્રેયસ અય્યરને પોતાનો નવો કેપ્ટન બનાવ્યો છે. નાઈટ રાઈડર્સે બુધવારે આ જાહેરાત કરી હતી. જેમ જ KKRએ IPL ઓક્શનમાં શ્રેયસ અય્યર પર 12.25 કરોડની બોલી લગાવી કે તરત જ નક્કી થઈ ગયું કે ટીમ ઈન્ડિયાના આ ઉભરતા સ્ટારને મોટી જવાબદારી મળવા જઈ રહી છે. શ્રેયસ અય્યર હવે KKRનો સૌથી મોંઘો ક્રિકેટર બની ગયો છે, પરંતુ તેને લીડિંગનું સન્માન પણ મળ્યું છે.

કોલકાતા નાઈટ રાઈડર્સની ટીમ બે વખત આઈપીએલની ચેમ્પિયન બની છે. તેણે 2012માં પ્રથમ વખત અને 2014માં બીજી વખત આઈપીએલનો ખિતાબ જીત્યો હતો. બંને વખત ગૌતમ ગંભીર ટીમનો કેપ્ટન હતો. ગૌતમ ગંભીર સિવાય અન્ય કોઈ કેપ્ટન KKRને આ ખિતાબ અપાવી શક્યો નથી.

શ્રેયસ અય્યર છઠ્ઠો ખેલાડી છે, જેને કોલકાતા નાઈટ રાઈડર્સની કેપ્ટનશીપની તક મળવા જઈ રહી છે. જો કે, તે તેમના માટે કાંટાનો તાજ પણ સાબિત થઈ શકે છે કારણ કે કોલકાતા નાઈટ રાઈડર્સની ટીમમાં આવી ઘણી મુશ્કેલીઓ છે, જેનો ઉકેલ શોધવો આસાન નહીં હોય.