મહારાષ્ટ્રના ડીજીપીની ફેસબુક પોસ્ટ થઇ વાયરલ, એટીએસની ભરતી કરવા ફેસબુક પર આપી જાહેરાત

મહારાષ્ટ્રમાં એટીએસમાં જોડાવા માટે ડીજીપીએ ફેસબુક પર ખાલી પોસ્ટ કાઢીને લોકોને આશ્ચર્યમાં મુકી દીધાં બતા. તેમણે ઊંચા પગારની ઓફર પણ કરી છે. એવું માનવામાં આવે છે કે પોલીસકર્મીઓ એટીએસમાં જોડાવામાં વધુ રસ દાખવતા ન હોવાથી આવું કરવામાં આવ્યું હતું. મળતી માહિતી મુજબ, મહારાષ્ટ્ર પોલીસ મહાનિર્દેશકે ફેસબુક પર ખાલી જગ્યાની પોસ્ટ લખી હતી. આ ઉપરાંત એટીએસ વડાએ રાજ્ય સરકારને વધુ મેનપાવર આપવા માટે પત્ર પણ લખ્યો છે.

એટીએસ ચીફ વિનીત અગ્રવાલે એડિશનલ ચીફ સેક્રેટરી (ગૃહ) મનુ કુમાર શ્રીવાસ્તવને જણાવ્યું છે કે તેમના વિભાગમાં કેટલીક જગ્યાઓ ખાલી છે, જેમાં ચાર મુખ્ય પોસ્ટનો સમાવેશ થાય છે, જે ભરવા જોઈએ. બીજી તરફ, એક ફેસબુક પોસ્ટમાં, DGP સંજય પાંડેએ ATSમાં ખાલી જગ્યા વિશે માહિતી આપતાં કહ્યું છે કે 25 ટકા વધુ પગાર (સ્પેશિયલ ભથ્થાના રૂપમાં) મળશે.

સંજય પાંડેએ ફેસબુક પર લખ્યું, ‘મુંબઈ ATSમાં પોલીસ સુપરિન્ટેન્ડેન્ટ (SP)ની બે પોસ્ટ ખાલી છે. ATS પોસ્ટિંગ એક પ્રતિષ્ઠિત પોસ્ટિંગ છે, જેમાં 25 ટકા સુધી વિશેષ ભથ્થું ઉપલબ્ધ છે. રસ ધરાવતા અધિકારીઓ સીધો ADG ATSનો સંપર્ક કરી શકે છે. તમે તમારી પસંદગીઓ પણ અહીં જણાવી શકો છો.

કેટલાક વર્તમાન અને ભૂતપૂર્વ એટીએસ અધિકારીઓ માને છે કે રાજ્યનું આતંકવાદ વિરોધી એકમ હવે તેની ચમક ગુમાવી રહ્યું છે. તેનું એક કારણ નેશનલ ઈન્વેસ્ટિગેશન એજન્સી (NIA) તેની પાસેથી કેટલાક કેસ લઈ રહી છે. આ ઉપરાંત કેન્દ્ર અને રાજ્ય સરકાર વચ્ચે ચાલી રહેલા મડાગાંઠે પણ એટીએસની કામગીરીને જટિલ બનાવી દીધી છે.

તાજેતરના વર્ષોમાં, ATSને ISIS સાથે સંબંધિત એક કેસ મળ્યો, જે થોડા અઠવાડિયામાં NIAને ટ્રાન્સફર કરવામાં આવ્યો. મહારાષ્ટ્ર એ પહેલું રાજ્ય હતું જેણે ATSની રચના કરી હતી. આ 1998, 2000 અને 2002ના સિરિયલ બ્લાસ્ટ પછી કરવામાં આવ્યું હતું.