હવામાન વિભાગની આગાહી મુજબ આજે અમદાવાદ, અરવલી, બનાસકાંઠા, દાહોદ, મહિસાગર, મહેસાણા, પંચમહાલ, પાટણ, સાબરકાંઠા, છોટા ઉદેપુર, ડાંગ, નર્મદા, નવસારી, તાપી, વલસાડ અને આવતીકાલે એટલે કે રવિવારે સુરત, દમણ-દાદરા નગર હવેલી, ઝાપટા અને ઝાપટાં પડશે. દાહોદ મહીસાગર, ગીર સોમનાથ, જૂનાગઢ, પોરબંદર, દીવમાં હળવોથી મધ્યમ વરસાદ પડી શકે છે.
રાજ્યમાં છૂટોછવાયો વરસાદ
રાજ્યમાં હવામાન વિભાગની આગાહી હિસાબે હમણાં છુટોછવાયો વરસાદ જોવા મળી રહ્યો છે. ઉત્તર ગુજરાત અને પૂર્વ અને મધ્ય ગુજરાતમાં સવારથી જ વરસાદી ઝાપટાં જોવા મળ્યા હતા. તો ગાંધીનગર જિલ્લામાં પણ સવારથી જ ઝરમર વરસાદ વરસી રહ્યો છે.
ચોમાસાની શરૂઆત સાથે જ ભારે વરસાદ પડશે
તે જ સમયે, હવામાન આગાહી કરતી સંસ્થા સ્કાયમેટની આગાહી અનુસાર, દક્ષિણ પશ્ચિમ ચોમાસું સત્તાવાર રીતે ગુજરાતમાં 27 અથવા 28 તારીખે શરૂ થઈ શકે છે. ચોમાસાની શરૂઆત સાથે દક્ષિણ ગુજરાતમાં ભારે વરસાદની શક્યતા છે.
અમદાવાદમાં આગામી પાંચ દિવસ સુધી વાદળછાયું વાતાવરણ રહેશે
અમદાવાદમાં આગામી પાંચ દિવસ સુધી વાદળછાયું વાતાવરણ રહેશે અને સરેરાશ મહત્તમ તાપમાન 37 ડિગ્રીથી નીચે જવાની શક્યતા છે. હવામાનની આગાહી કરતી ખાનગી સંસ્થાની આગાહી મુજબ અમદાવાદમાં 28 જૂનથી વરસાદની શક્યતા 60 ટકાથી 75 ટકા વચ્ચે છે.
