13 વર્ષની ઉંમરે દીકરીને તરછોડી દેનાર પિતા હવે દીકરી પાસેથી પોતાની મિલકતમાં પોતાનો હિસ્સો માંગવા લાગ્યો હતો. એક મહિલાએ ખુલાસો કર્યો છે કે તેની દાદીએ દુનિયાને અલવિદા કરતા પહેલા તેની તમામ સંપત્તિ તેને આપી દીધી હતી. જ્યારે તેના પિતાને આ વાતની જાણ થઈ તો તેણે તેના પર મિલકતમાં ભાગ લેવા માટે દબાણ કરવાનું શરૂ કર્યું. મહિલાએ આ અંગેની પોતાની સ્ટોરી Reddit પર શેર કરી છે.
મહિલાએ પોતાનું નામ જાહેર કર્યા વિના સોશિયલ મીડિયા પ્લેટફોર્મ Reddit પર કહ્યું કે દાદીએ મૃત્યુ પહેલાં તેની તમામ મિલકત મારા નામે કરી દીધી હતી. જેમાં એક ઘર અને લગભગ દોઢ કરોડ રૂપિયા રોકડા હતા. દાદીમાએ તેના પુત્ર (એટલે કે મહિલાના પિતા) માટે એક ડોલર (લગભગ રૂ. 74) સિવાય બીજું કશું જ છોડ્યું નથી.
મહિલાએ જણાવ્યું કે તેના પિતાએ બીજી મહિલા માટે પરિવાર છોડી દીધો છે. તે સમયે તે માત્ર 13 વર્ષની હતી. મહિલાના કહેવા પ્રમાણે- જ્યારે હું 13 વર્ષની હતી ત્યારે મારી માતાને ખબર પડી કે મારા પિતાનું અફેર હતું અને તેઓ બીજી મહિલા સાથે રહે છે. તે મહિલા ગર્ભવતી હતી. પિતાએ કબૂલ્યું કે તે અન્ય મહિલા સાથે પ્રેમમાં હતો. અને મારી માતાને છોડવા માંગુ છું.
માતાથી છૂટાછેડા પછી, પિતાએ અમારી સાથે સંબંધ જાળવી રાખવાનો પ્રયાસ કર્યો, પરંતુ આખરે તેમનો નવો પરિવાર ‘તેમની પ્રાથમિકતા’ બની ગયો અને અમે મુશ્કેલીમાં રહેવા લાગ્યા. દરમિયાન, અમે બીજા શહેરમાં શિફ્ટ થયા અને દાદા-દાદી અને માતા સાથે રહેવા લાગ્યા.
મહિલાએ વધુમાં જણાવ્યું કે મારી દાદી મારા પિતાની માતા હતી. તેણી મને ખૂબ પ્રેમ કરતી હતી અને તેના પુત્રના વલણથી નિરાશ હતી. પરંતુ કમનસીબે ગયા વર્ષે તેણીનું કેન્સર થયું અને બાદમાં તેણીનું મૃત્યુ થયું. મૃત્યુ પહેલા, તેમણે તેમના પુત્રને બદલે તેમની 2 હજાર ડોલર (દોઢ કરોડ)ની મિલકત મને આપી દીધી જેથી ભવિષ્યમાં મને કોઈ આર્થિક સમસ્યાનો સામનો ન કરવો પડે.
જ્યારે મહિલાના પિતાને આ અંગેની જાણ થઈ તો તેણે તેનો સંપર્ક કર્યો અને મિલકતમાં તેનો હિસ્સો માંગવાનું શરૂ કર્યું. એટલું જ નહીં, પિતાની બીજી પત્ની અને તેના બાળકો પણ મહિલાને ફોન કરીને પ્રોપર્ટીની માંગણી કરી રહ્યા છે. જેના કારણે મહિલા ખૂબ જ પરેશાન થઈ ગઈ હતી. જો કે, મહિલાના પિતાએ પાછળથી તેના વર્તન માટે માફી માંગી હતી અને કહ્યું હતું કે તે દેવું હોવાથી તે ખૂબ તણાવમાં હતો. લોન ચૂકવવા માટે તેણે મિલકતમાં હિસ્સો માંગ્યો હતો. પણ હવે તે આવું નહિ કરે.
Your IP Address : 3.236.241.39
