નોકિયાએ લોન્ચ કર્યો નોકિયા 2660 ફ્લિપ ફીચર ફોન, જાણો કિંમત અને વીશેષતા

સ્માર્ટફોન બ્રાન્ડ નોકિયાએ ભારતમાં તેનો નવો ફીચર ફોન Nokia 2660 Flip લોન્ચ કર્યો છે. આ ફોનને 4G LTE કનેક્ટિવિટી સાથે રજૂ કરવામાં આવ્યો છે. ફોનમાં Nokiaની સીરીઝ 30+ ઓપરેટિંગ સિસ્ટમ આપવામાં આવી છે. નોકિયા 2660 ફ્લિપમાં બે ડિસ્પ્લે જોવા મળે છે. આ સાથે આ ફોનમાં Unisoc T107 પ્રોસેસર અને 48 MB રેમ સાથે 128 MB ઇન્ટરનલ સ્ટોરેજને સપોર્ટ આપવામાં આવ્યો છે. ચાલો ફોનના અન્ય ફીચર્સ, સ્પેસિફિકેશન અને કિંમત વિશે જાણીએ.

નોકિયા 2660 ફ્લિપની કિંમત

નોકિયા 2660 ફ્લિપને બ્લેક, બ્લુ અને રેડ કલર ઓપ્શનમાં રજૂ કરવામાં આવ્યો છે. ફોનની 48 MB રેમ 128 MB સ્ટોરેજ સાથેની કિંમત 4,699 રૂપિયા છે. ફોનને કંપનીની ઓફિશિયલ વેબસાઈટ અને એમેઝોન ઈન્ડિયા પરથી ખરીદી શકાય છે.

નોકિયા 2660 ફ્લિપના સ્પષ્ટીકરણો અને કેમેરા

નોકિયા તરફથી આવતા આ ફોનને પ્રીમિયમ ડિઝાઇન સાથે રજૂ કરવામાં આવ્યો છે. આ ફોનમાં ડ્યુઅલ સિમ અને 4જી કનેક્ટિવિટી સપોર્ટ ઉપલબ્ધ છે. ફોન બે ડિસ્પ્લે સાથે આવે છે, QVGA રિઝોલ્યુશન સાથે 2.8-ઇંચ પ્રાથમિક ડિસ્પ્લે અને QQVGA રિઝોલ્યુશન સાથે 1.77-ઇંચ સેકન્ડરી ડિસ્પ્લે. ત્યારે Unisoc T107 પ્રોસેસર અને 48 MB રેમ સાથે ફોનમાં 128 MB ઇન્ટરનલ સ્ટોરેજ આપવામાં આવ્યું છે. ફોનના કેમેરાની વાત કરીએ તો તેમાં 0.3 મેગાપિક્સલનો રિયર કેમેરો છે, જે LED ફ્લેશ સાથે આવે છે.

નોકિયા 2660 ફ્લિપની બેટરી

ફોનમાં 1450mAh રિમૂવેબલ બેટરી છે, જે 2.75W ચાર્જિંગને સપોર્ટ કરે છે. ફોનની બેટરી વિશે, કંપનીનો દાવો છે કે તેને સ્ટેન્ડબાય મોડ પર સિંગલ 4G સિમ પર 24.9 દિવસ સુધી ચલાવી શકાય છે, જ્યારે સામાન્ય ઉપયોગમાં તેને 6.5 કલાકનો ટોક ટાઈમ મળે છે. ફોનમાં કનેક્ટિવિટી માટે બ્લૂટૂથ v4.2, માઇક્રો-USB 2.0 પોર્ટ અને 3.5mm હેડફોન જેક સપોર્ટ આપવામાં આવ્યો છે.