PM મોદીની હત્યાના કાવતરાનો ખુલાસો, ધમકીભર્યા ઈમેલમાં આતંકવાદીએ કહ્યું આત્મહત્યા કરૂં છું

વડાપ્રધાન મોદીને જાનથી મારી નાખવાની ધમકી આપવાનો એક વિચિત્ર કિસ્સો સામે આવ્યો છે. ગુપ્તચર સૂત્રો પાસેથી મળેલી માહિતી મુજબ નેશનલ ઈન્વેસ્ટિગેશન એજન્સીને ધમકીભર્યા ઈ-મેઈલ મળ્યા છે. ઈ-મેઈલ કરનારે કહ્યું કે તે આત્મહત્યા કરી રહ્યો છે જેથી આ ષડયંત્રનો પર્દાફાશ ન થઈ શકે.

પીએમ મોદીને મારવા માટે 20 સ્લીપર સેલ તૈયાર છે. તેમની પાસે કુલ 20 કિલો rdx rdx છે. ઈન્ટેલિજન્સ સૂત્રોના જણાવ્યા અનુસાર સ્લીપર સેલ દ્વારા 20 કિલો આરડીએક્સ વડે પીએમ મોદીની હત્યા કરવાનું કાવતરું ઘડવામાં આવી રહ્યું હતું. સુરક્ષા એજન્સીઓ માહિતી એકઠી કરી રહી છે કે પીએમ મોદીની હત્યાના કાવતરાને લઈને મળેલા ઈમેલનો સ્ત્રોત શું છે? એજન્સીઓનું કહેવું છે કે તેમના નાપાક હેતુને પાર પાડવા માટે આતંકી સંગઠનોએ 20 સ્લીપર સેલ બનાવ્યા છે.

ઈમેલ મુજબ હુમલાની યોજના તૈયાર કરવામાં આવી છે. મેલમાં કહેવામાં આવ્યું છે કે જે વ્યક્તિએ મેલ લખ્યો છે તેના ઘણા આતંકવાદીઓ સાથે પણ સંબંધ છે. નેશનલ ઈન્વેસ્ટિગેશન એજન્સીએ ગુપ્તચર અને સુરક્ષા એજન્સીઓને ધમકીભર્યા ઈ-મેલ મોકલ્યા છે. જે મેઈલ આઈડી પરથી મેઈલ આવ્યો છે તેની સઘન તપાસ થઈ રહી છે. આ ઈમેલ નેશનલ ઈન્વેસ્ટિગેશન એજન્સીની મુંબઈ શાખાને આવ્યો છે.