ગુજરાતનું ગૌરવ : સુરતની ખેડૂત પુત્રી મૈત્રી પટેલ દેશની સૌથી યુવા મહિલા પાયલટ બની

સુરત શહેરની એક 19 વર્ષની યુવતીએ નાની ઉંમરે પાયલટ બનીને સુરત સહિત ગુજરાતનું નામ રોશન કર્યું છે. અમેરિકામાં 11 મહિનાની તાલીમ પૂર્ણ કરનાર યુવતી મૈત્રી પટેલે કોમર્શિયલ પાયલટ લાયસન્સ મેળવ્યું છે. સુરતના ઘોડદોડ વિસ્તારમાં રહેતા મૈત્રીના પિતા કાંતિલાલ ખેડૂત છે અને માતા મહાનગરપાલિકામાં ફરજ બજાવે છે. મૈત્રી પટેલ 12 ધોરણની પરીક્ષા પાસ કર્યા બાદ પાયલટ ટ્રેનિંગ માટે અમેરિકા ગઈ હતી. સામાન્ય રીતે વિમાન ચલાવવા માટે 18 મહિનાની તાલીમ લે છે. પરંતુ બાળપણથી જ પાયલટ બનવાની પ્રબળ ઈચ્છા ધરાવતી મૈત્રી પટેલે 11 મહિનામાં કોમર્શિયલ એરક્રાફ્ટ ઉડવાનું શીખી લીધું અને અમેરિકાએ તેને તેનું લાયસન્સ પણ આપી દીધું. પાયલટ તરીકે સુરત પરત ફરેલી મૈત્રી પટેલે જણાવ્યું હતું કે ભારતમાં મહિલા પાયલોટની સંખ્યા સૌથી વધુ છે અને હું પણ તેમની સાથે જોડાવા માંગુ છું. ટૂંક સમયમાં હું કેપ્ટન બનવાનું મારું સપનું પણ પૂરું કરીશ.
મૈત્રીએ જણાવ્યું કે સુરતથી દિલ્હી વચ્ચે શરૂ થયેલી પ્રથમ ફ્લાઇટમાં મુસાફરી દરમિયાન પિતાએ મને પાયલટ બનવાનું કહ્યું. તે સમયથી મેં પાયલોટ બનવાની તૈયારી શરૂ કરી. લાયસન્સ મળ્યા પછી, મેં મારા પિતાને અમેરિકા બોલાવ્યા અને તેમને આકાશમાં 3500 ફૂટની ઊંચાઈ પર ફરવા લઈ ગઇ. મૈત્રીના પિતા કાંતિલાલે જણાવ્યું કે તેઓ ઇચ્છતા હતા કે હું પાયલટ બનું અને તેમણે આજે અમારી ઈચ્છા પૂરી કરી છે. મૈત્રીની માતા રેખા પટેલે જણાવ્યું હતું કે નાની ઉંમરે લાયસન્સ મેળવ્યા બાદ તેના પિતા કાંતિલાલે તેનું નામ ‘શ્રવણ કુમાર’ રાખ્યું હતું. અમેરિકામાં લાઇસન્સ મેળવનાર મૈત્રીએ હવે ભારતમાં વિમાન ઉડાડવા માટે ભારતના નિયમો અનુસાર તાલીમ લેવી પડશે અને તે પછી તે લાઇસન્સ મેળવશે.