ટીમ ઈન્ડિયાના વર્તમાન કોચ રવિ શાસ્ત્રીનો કાર્યકાળ ઓક્ટોબર-નવેમ્બરમાં યોજાનારા ટી 20 વર્લ્ડ કપ બાદ સમાપ્ત થઈ રહ્યો છે. આ પછી લાંબા સમય બાદ ટીમ ઇન્ડિયાને નવો કોચ મળશે. અગાઉ એવી ધારણા હતી કે શાસ્ત્રી બાદ અનુભવી બેટ્સમેન રાહુલ દ્રવિડ ટીમ ઇન્ડિયાના આગામી કોચ બનશે. પરંતુ હવે સમાચાર આવ્યા છે કે દ્રવિડ હવે ટીમ ઇન્ડિયાના કોચ બની શકશે નહીં. ભારતના ભૂતપૂર્વ કેપ્ટન રાહુલ દ્રવિડે નેશનલ ક્રિકેટ એકેડમી (NCA) ના ક્રિકેટ હેડ પદ માટે ફરી અરજી કરી છે, અને નવેમ્બરમાં T -20 વર્લ્ડ કપ બાદ તેઓ તેમની વરિષ્ઠ રાષ્ટ્રીય ટીમમાં મુખ્ય કોચ રવિ શાસ્ત્રીની જગ્યા લેશે તેવી અટકળો પર પૂર્ણવિરામ મૂક્યું છે. હવે તે ખૂબ જ સ્પષ્ટ છે કે દ્રવિડ ભારતના આગામી કોચ બની શકશે નહીં.
આ ત્રણ દિગ્ગજો નવા ઉમેદવાર છે : એક તરફ રાહુલ દ્રવિડ હવે ટીમ ઈન્ડિયાના કોચ બની શકશે નહીં, તો અન્ય ઘણા દિગ્ગજો માટે ભારતના કોચ બનવાનો માર્ગ ખુલ્લો થઈ ગયો છે. આ રિપોર્ટમાં, અમે તમને એવા અનુભવીઓ વિશે જણાવવા જઈ રહ્યા છીએ જે ટીમ ઈન્ડિયાના આગામી કોચ બની શકે છે.
માઇક હેસન
ન્યૂઝીલેન્ડના ભૂતપૂર્વ કોચ માઇક હેસન ટીમ ઇન્ડિયાના આગામી કોચ બનવાના દાવેદાર છે. હેસને ગત વખતે પણ ભારતીય ટીમના કોચ પદ માટે પોતાનો દાવો રજૂ કર્યો હતો, પરંતુ અંતે રવિ શાસ્ત્રી કેપ્ટન વિરાટ કોહલીની પ્રથમ પસંદગી સાબિત થયો. હેસનના કોચિંગ હેઠળ, ન્યૂઝીલેન્ડની ટીમે 2015 ના વર્લ્ડ કપની ફાઇનલમાં પ્રવેશ કર્યો હતો. આ સિવાય હાલમાં હેસન વિરાટ કોહલીની ટીમ રોયલ ચેલેન્જર્સ બેંગ્લોરના ક્રિકેટ ઓપરેશન્સના ડિરેક્ટર છે. આવી સ્થિતિમાં વિરાટ તેને સૌથી વધુ ટીમના કોચ બનાવવા માંગે છે.
વિરેન્દ્ર સહેવાગ
ભારતના પૂર્વ ઓપનર વીરેન્દ્ર સહેવાગ, જે તેની સ્ફોટક બેટિંગ માટે સમગ્ર વિશ્વમાં પ્રખ્યાત છે, તે પણ ટીમ ઈન્ડિયાના કોચ બનવા માટે એક મોટો દાવેદાર છે. સહેવાગે ભારતના કોચ બનવા માટે પહેલેથી જ અરજી કરી દીધી છે. સેહવાગ BCCI ચીફ સૌરવ ગાંગુલીના સારા મિત્ર પણ છે અને IPL માં પંજાબ કિંગ્સ ટીમના માર્ગદર્શકની ભૂમિકા ભજવી છે.
ટોમ મૂડી
જ્યારે રવિ શાસ્ત્રીને ભારતીય ક્રિકેટ ટીમના કોચ તરીકે નિયુક્ત કરવામાં આવ્યા ત્યારે ટોમ મૂડીએ પસંદગી પ્રક્રિયા દરમિયાન તેને મોટી સ્પર્ધા આપી હતી. માઈક હેસનની જેમ મૂડી પણ તે સમયે ટીમના કોચ બનવાના મોટા દાવેદાર હતા. પરંતુ કોહલીથી આગળ કોઈ ન ગયું અને શાસ્ત્રીને ટીમના કોચ બનાવવામાં આવ્યા.
Your IP Address : 3.227.235.216
