સેન્સેક્સે 57 હજારનો આંકડો પાર કર્યો, શેરબજારમાં તેજીથી રોકાણકારોને થયો લાખોનો ફાયદો

ભારતીય શેરબજાર આજે મંગળવારે સવારે રેકોર્ડ ઊંચી સપાટીએ ખુલ્યું હતું. BSE સેન્સેક્સ આજે 106 પોઈન્ટના ઉછાળા સાથે 56,995.15 પર ખુલ્યો. સવારે 9.24 ની આસપાસ, સેન્સેક્સ 235 પોઇન્ટ વધીને 57,124.78 પર પહોંચ્યો, જે અત્યાર સુધીનો તેનો રેકોર્ડ સ્તર છે. જોકે, બાદમાં બજાર લાલ નિશાનીમાં ગયું. બજારમાં સતત વધઘટ થતી રહે છે. એ જ રીતે, નેશનલ સ્ટોક એક્સચેન્જ (NSE) નો નિફ્ટી 16 પોઈન્ટના વધારા સાથે 16,947.50 પર ખુલ્યો. સવારે નિફ્ટી 64 અંક વધીને 16,995.55 પર પહોંચ્યો. આઇટી ઇન્ડેક્સ 1 ટકા વધ્યો છે.એફએમસીજી અને ફાર્મા શેરોમાં પણ વધારો જોવા મળી રહ્યો છે. ઓગસ્ટમાં 13% ના ઉછાળા સાથે નિફ્ટી આઈટી ઈન્ડેક્સે નવી ટોચ બનાવી છે. TCS, HCL TECH, L&T INFOTECH અને COFORGE ના શેર ઓલ ટાઇમ હાઇ પહોંચી ગયા છે.
અમેરિકી બજારમાંથી સારા સંકેતો, કોરોનાના કેસોમાં ઘટાડો અને દેશમાં વેક્સિનેશન કાર્યક્રમને વેગ આપવા, ઓગસ્ટમાં ઓટો વેચાણના આંકડામાં સુધારાના સંકેતો, જીડીપીમાં રેકોર્ડ વૃદ્ધિની અપેક્ષા વગેરેને કારણે શેરબજારમાં સુધારો થયો છે. આજે સાંજે સરકાર જીડીપીના આંકડા જાહેર કરશે. SBI ના Ecowrap સંશોધન અહેવાલમાં અનુમાન લગાવવામાં આવ્યું છે કે ચાલુ નાણાકીય વર્ષના પ્રથમ ક્વાર્ટરમાં દેશનો GDP 18.5 ટકાના દરે વધી શકે છે.
તે જ સમયે, આરબીઆઈએ એપ્રિલ-જૂન 2021 ક્વાર્ટર માટે જીડીપી વૃદ્ધિનો અંદાજ 21.4 ટકા રાખ્યો છે. ભારતીય શેરબજાર સપ્તાહના પહેલા દિવસે એટલે કે સોમવારે ધૂમ મચાવી રહ્યું હતું. બીએસઈ સેન્સેક્સ અને એનએસઈ નિફ્ટીએ નવો રેકોર્ડ બનાવ્યો છે. બીએસઈ સેન્સેક્સ 565329.2 પર 205 પોઈન્ટના વધારા સાથે ખુલ્યો અને બપોરે 3.18 વાગ્યાની આસપાસ સેન્સેક્સ 834 પોઈન્ટ વધીને 56,958.27 પર પહોંચ્યો છે.