દિલ્હીમાં શ્રદ્ધા વોકર મર્ડર કેસ જેવો વધુ એક કિસ્સો પ્રકાશમાં આવ્યો છે. રાજધાનીની ગીતા કોલોનીમાં ફ્લાયઓવર પાસે એક બાળકીની લાશ અનેક ટુકડાઓમાં મળી આવી હતી.
ઘટનાની જાણ થતાં જ પોલીસ ઘટનાસ્થળે પહોંચી હતી અને મામલાની તપાસ હાથ ધરી છે. પોલીસના જણાવ્યા અનુસાર, તેમને સવારે 9 વાગે સૂચના મળી હતી કે અહીં એક બાળકીના શરીરના કેટલાક ટુકડા પડ્યા છે. માહિતી મળતા જ પોલીસ ઘટનાસ્થળે પહોંચી ગઈ હતી અને ફ્લાયઓવરની નીચે આવેલા જંગલમાં સર્ચ ઓપરેશન શરૂ કર્યું હતું.
પોલીસને આશંકા છે કે મહિલાના મૃતદેહના અન્ય ટુકડા જંગલમાંથી મળી શકે છે. આ જ કારણ છે કે પોલીસ આસપાસના વિસ્તારમાં ઝીણવટભરી તપાસ કરી રહી છે. પોલીસનું કહેવું છે કે હજુ સુધી મૃતદેહની ઓળખ થઈ શકી નથી.
