TATAની ટેક કંપની Tata Consultancy Services Limited (TCS) વિશે એક મોટો ખુલાસો થયો છે. TCSમાં નોકરી કૌભાંડનો મોટો ખુલાસો થયો છે. અંગ્રેજી ન્યૂઝ પેપર મિન્ટ અનુસાર, TCSમાં નોકરીના બદલામાં 100 કરોડ રૂપિયા લેવાનો ખુલાસો થયો છે. ટીસીએસે છેલ્લા ત્રણ વર્ષમાં 50 હજાર લોકોને નોકરી આપી છે. પરંતુ હવે આ કામમાં ગોટાળાનો મામલો સામે આવી રહ્યો છે. કંપનીએ તેની તપાસમાં શોધી કાઢ્યું છે કે કેટલાક વરિષ્ઠ અધિકારીઓએ સ્ટાફિંગ ફર્મ્સ પાસેથી ભરતીના બદલામાં કિકબેક લીધી છે. લાંચના બદલામાં ભરતી પ્રક્રિયા સાથે ચેડા કરવામાં આવ્યા હતા.
TCS માં નોકરી કૌભાંડ
અત્યાર સુધી તમે સરકારી નોકરીના બદલામાં લાંચની વાત તો સાંભળી જ હશે. પરંતુ હવે લોકો ખાનગી નોકરી માટે પણ લાંચ આપી રહ્યા છે. આ વાતનો ખુલાસો ટાટાની કંપની TCSની અંદરથી થયો છે. દેશની સૌથી મોટી IT કંપની TCSમાં નોકરી મેળવવા માટે કરોડોનું કમિશન લેવામાં આવ્યું હોય તેવું કદાચ આ પ્રકારનું પ્રથમ નોકરી કૌભાંડ છે. લાઈવ મિન્ટના સમાચાર મુજબ આ નોકરી કૌભાંડમાં કંપનીના મોટા અધિકારીઓ સામેલ છે. આ અધિકારીઓએ નવી ભરતીના બદલામાં કન્સલ્ટન્સી સ્ટાફિંગ કંપનીઓ પાસેથી તગડું કમિશન લીધું હતું. સમાચાર અનુસાર, આ નોકરી કૌભાંડમાં ઓછામાં ઓછા 100 કરોડ રૂપિયાનું ટ્રાન્ઝેક્શન થયું છે.
TCSમાં નોકરીના આ કૌભાંડનો પર્દાફાશ એક વ્હીસલબ્લોઅર દ્વારા કરવામાં આવ્યો છે. તેમણે TCSના મુખ્ય કાર્યકારી અધિકારી (CEO) અને ચીફ ઓપરેટિંગ ઓફિસર (COO)ને કૌભાંડ વિશે જાણ કરી. તેમણે આરોપ લગાવ્યો કે TCSના ગ્લોબલ હેડ ઓફ રિસોર્સ મેનેજમેન્ટ ગ્રૂપ (RMG) ES ચક્રવર્તીએ ભરતીના બદલામાં કંપનીમાં સ્ટાફિંગ ફર્મ્સ પાસેથી કમિશન લીધું છે અને આ બધું વર્ષોથી ચાલી રહ્યું છે. સમાચાર અનુસાર, આ ટ્રાન્ઝેક્શન લગભગ 100 કરોડ રૂપિયાનું છે. ઉલ્લેખનીય છે કે, TCS ના RMG ના વૈશ્વિક વડા ES ચક્રવર્તી 1997 થી કંપની સાથે છે.
કંપનીએ કાર્યવાહી કરી હતી
વ્હિસલબ્લોઅર પાસેથી મળેલી આ માહિતી બાદ, કંપનીએ તરત જ TCS ચીફ ઇન્ફોર્મેશન સિક્યુરિટી ઓફિસર અઝીઝ મેનન સાથે ત્રણ અધિકારીઓની એક કમિટી બનાવીને આ મામલાની તપાસનો આદેશ આપ્યો હતો. તપાસ બાદ TCSના રિસોર્સ મેનેજમેન્ટ ગ્રુપના ચીફને રજા પર મોકલી દેવામાં આવ્યા છે. તે જ સમયે, વધુ 4 અધિકારીઓને બરતરફ કરવામાં આવ્યા છે. તે જ સમયે, ત્રણ સ્ટાફિંગ કંપનીઓને બ્લેકલિસ્ટ કરવામાં આવી છે. જે કંપનીઓને બ્લેક લિસ્ટ કરવામાં આવી છે તેમના નામ હજુ સુધી જાહેર કરવામાં આવ્યા નથી. ઉલ્લેખનીય છે કે ટાટા ગ્રૂપની IT કંપની TCS એ ભારતીય કોર્પોરેટ જગતની સૌથી મોટી નોકરી આપતી કંપનીઓમાંની એક છે. વર્ષ 2022માં TCSમાં કર્મચારીઓની સંખ્યા 6.15 લાખ હતી. છેલ્લા ત્રણ વર્ષમાં કંપનીએ 3 લાખ કર્મચારીઓની ભરતી કરી છે.
