દિલ્હીની ત્રણેય મ્યુનિસિપલ કોર્પોરેશનને મર્જ કરવાની પ્રક્રિયા શરૂ કરી દેવામાં આવી છે. કેન્દ્રીય ગૃહ પ્રધાન અમિત શાહે બુધવારે લોકસભામાં ત્રણ કોર્પોરેશન (MCD) ના એકીકરણ માટે એક બિલ રજૂ કર્યું. લોકસભામાં બિલ રજૂ કરતાં ગૃહમંત્રીએ કહ્યું, ‘ત્રણેય મ્યુનિસિપલ કોર્પોરેશન (MCD)માં 1 લાખ 40 હજાર કર્મચારીઓ કામ કરે છે. દિલ્હી દેશની રાજધાની છે. રાષ્ટ્રપતિ અને પીએમના નિવાસસ્થાન સહિત તમામ કેન્દ્રીય કાર્યાલયો અહીં છે. દિલ્હી દેશી અને વિદેશી પ્રવાસનું મોટું કેન્દ્ર છે. આવી સ્થિતિમાં આપણે આ શહેર વિશે વિચારવાની જરૂર છે.
અમિત શાહે કહ્યું, દિલ્હીની વિશેષ સ્થિતિને જોતાં અહીંની શહેરી સુવિધાઓ શ્રેષ્ઠ ધોરણની હોવી જોઈએ. અગાઉ શહેરમાં માત્ર એક મ્યુનિસિપલ કોર્પોરેશન (એમસીડી) હતી, જે ત્રણ ભાગમાં વહેંચાયેલી હતી. મેં ગૃહ મંત્રાલયની તમામ ફાઈલોમાં તપાસ કરી પરંતુ એમસીડીને શા માટે ત્રણ ભાગમાં વહેંચવામાં આવી તે સમજવામાં નિષ્ફળ ગયો.
વર્ષ 2012 સુધી દિલ્હી મ્યુનિસિપલ કોર્પોરેશન માત્ર એક જ હતી. પરંતુ ગવર્નન્સ સુધારવાના નામે યુપીએ સરકારે વર્ષ 2012માં એમસીડીને ત્રણ ભાગમાં વહેંચી દીધી હતી. ત્યારથી અત્યાર સુધી ત્રણેય કોર્પોરેશન દિલ્હીમાં કાર્યરત છે. જો કે, SDMC સિવાય, અન્ય બંને નિગમોની હાલત ખરાબ છે અને તેઓ તેમના કર્મચારીઓનો પગાર પણ ચૂકવવા સક્ષમ નથી.
Your IP Address : 35.172.111.71
