મહારાષ્ટ્ર સરકારે 14 ડીસીપી રેન્કના અધિકારીઓના કર્યા ટ્રાન્સફર, ડીજીપીએ સરકારના આદેશ પર લગાવી દીધો સ્ટે

મહારાષ્ટ્રમાં ડીજીપીએ મંગળવારે શિંદે સરકારના નિર્ણયને પલટી નાખ્યો હતો. મહારાષ્ટ્રમાં, પોલીસ એસ્ટાબ્લિશમેન્ટ બોર્ડ ઓફિસે ડીજીપીને નવો આદેશ જારી કર્યો હતો, જેમાં ડીસીપીના રેન્કના નવ અધિકારીઓની બદલી પર પ્રતિબંધ મૂક્યો હતો. ડીજીપી રજનીશ શેઠે સરકારના આદેશ પર સ્ટે લગાવતાં હવે સરકાર શું નિર્ણય કરશે તેના પર બધાની નજર રહેશે.

ગૃહ વિભાગે સોમવારે 118 DCP, SP, ADSP, SDPO સ્તરના અધિકારીઓની બદલી કરી હતી. જેમાં લગભગ 14 ડીસીપી રેન્કના અધિકારીઓની મુંબઈ પોલીસ દળમાં બદલી કરવામાં આવી હતી. શિંદે સરકારમાં આ રેન્કના અધિકારીઓનું અત્યાર સુધીનું સૌથી મોટું ફેરબદલ છે.

આદેશ હેઠળ પ્રશાંત મોહિતે, નમ્રતા પાટીલ, સંદીપ, દીપક દેવરાજ, સુનીલ લોખંડે, પ્રકાશ ગાયકવાડ, તિરુપતિ કાકડે, યોગેશ ચવ્હાણ, શર્મિષ્ઠાની બદલી પર રોક લગાવવામાં આવી છે. શિંદે સરકારના નિર્ણય પર પર ડીજીપીએ સ્ટે લગાવતાં રાજકારણમાં ગરમાટો જોવા મળી રહ્યો છે.

શિંદે સરકારે અગાઉ સપ્ટેમ્બરમાં નોકરશાહીમાં મોટો ફેરફાર કર્યો હતો. તેમણે 44 IAS અધિકારીઓની બદલી કરી. એકનાથ શિંદેએ સીએમ અને દેવેન્દ્ર ફડણવીસના ડેપ્યુટી સીએમ તરીકેનો કાર્યભાર સંભાળ્યા પછી આ પહેલો મોટો વહીવટી ફેરફાર હતો. તે સમયે એવું કહેવામાં આવ્યું હતું કે 2019 માં સત્તામાં આવેલી મહા વિકાસ અઘાડી સરકાર દ્વારા કથિત રીતે બાજુ પર મૂકાયેલા IAS અધિકારીઓને મહત્વપૂર્ણ પોર્ટફોલિયો સોંપવામાં આવ્યા હતા.