2022 આઇપીએલ ભારતમાં રમાશે કે બહાર, બીસીસીઆઇ પ્રમુખ સૌરવ ગાંગુલીએ કરી આ જાહેરાત

ભારતીય ક્રિકેટ કંટ્રોલ બોર્ડ (BCCI)ના પ્રમુખ સૌરવ ગાંગુલીએ પુષ્ટિ કરી છે કે IPL 2022 ભારતમાં યોજાશે. પરંતુ આ સમય દરમિયાન દર્શકોના જવા પર પ્રતિબંધ રહેશે. અગાઉ એવી અટકળો હતી કે કોરોનાના વધતા જતા કેસોને કારણે IPLનું આયોજન UAE અથવા અન્ય કોઈ દેશમાં થઈ શકે છે, પરંતુ BCCI પ્રમુખે ચિત્ર સાફ કરી દીધું છે. દેશમાં કોરોનાને કારણે આ ટૂર્નામેન્ટની છેલ્લી બે સિઝન UAEમાં યોજાઈ હતી.

IPLની આગામી સિઝન ઘણી રીતે ખાસ રહેવાની છે, કારણ કે તેમાં 10 ટીમો ભાગ લેશે. IPLમાં લખનૌ અને અમદાવાદની ટીમો જોડાશે. IPLની પ્રથમ સિઝન ઘણી રોમાંચક રહી હતી. જેમાં ઘણા યુવા ખેલાડીઓએ પોતાની પ્રતિભા બતાવીને સૌને ચોંકાવી દીધા હતા. ઘણા ખેલાડીઓને ટીમ ઈન્ડિયામાં જગ્યા પણ મળી ગઈ છે. છેલ્લી વખત આઈપીએલનો ખિતાબ ચેન્નાઈ સુપર કિંગ્સે જીત્યો હતો. આ વખતે પણ ટ્રોફી માટે રોમાંચક જંગ જોવા મળશે.