વલસાડ ના પાંડે પરિવાર દ્વારા એમના માતૃશ્રી સ્વ. મીનાબેન કૈલાશનાથ પાંડે ની પુણ્યતિથિ નિમિત્તે વલસાડ નગરપાલિકા સંચાલિત મ્યુનિસિપલ હોસ્પિટલ ને ૭ લાખ રૂપિયાની બજાર કીમત ની જીવનરક્ષક દવાઓનું નિઃશુલ્ક વિતરણ કરાયું… વલસાડ છીપવાડ ના રહેવાસી અને સતત ત્રણ પેઢી થી વલસાડ માં સેવાકીય પ્રવૃતિઓ સાથે સંકળાયેલા પાંડે પરિવાર દ્વારા એમના માતૃશ્રી સ્વ.મીનાબેન કૈલાશનાથ પાંડે ની પુણ્યતિથિ નિમિત્તે છેલ્લા ૧૨ વર્ષ થી વલસાડ નગરપાલિકા દ્વારા સંચાલિત મ્યુનિસિપલ હોસ્પિટલ ખાતે સારવાર અર્થે આવતા જરૂરિયાતમંદ લોકોને સહાયરૂપ થવાના શુભ આશય સાથે જીવનરક્ષક દવાઓ જે ગંભીર બીમારીઓમાં અત્યંત ઉપયોગી જેવી કે ડાયાબિટીસ,કાર્ડિયાક ,બ્લડ પ્રેશર,વાયરલ તાવ, અને હાલ ની કોરોના મહામારી સમયે ખુબજ ઉપયોગી દવાઓ સાથે વિવિધ ગ્લુકોઝ ની કુલ ૩૬૦૦/- બોટલો તેમજ નાના મોટા ઓપરેશન સમયે ખુબજ ઉપયોગી સર્જીકલ ના સાધનો,માસ્ક,સેનિટાઈઝર નું નિઃશુલ્ક વિતરણ ના કાર્યક્રમ નું આયોજન વલસાડ નગરપાલિકા સંચાલિત સ્પોર્ટ્સ કોમ્પલેક્ષખાતે રાખવામાં આવ્યો હતો, આ તબક્કે વલસાડ જિલ્લા ભારતીય જનતા પાર્ટી ના પ્રમુખશ્રી હેમંતભાઈ કંસારા એ સ્વ. કૈલાશનાથ પાંડે અને એમના પરિવારની સેવાકીય પ્રવૃતિઓ સમાજ માટે ઉદાહરણ બનશે તેમ જણાવી પાંડે પરિવાર ના મોભી સ્વ.અમરનાથ પાંડેજી દ્વારા કરવામાં આવેલા સેવાકીય કાર્યોને પણ યાદ કર્યા હતા.
કાર્યક્રમ માં પાંડે પરિવાર ના દિવ્યેશ પાંડે દ્વારા મહેમાનોનું શાબ્દીક સ્વાગત કરવામાં આવ્યું હતું તેમજ પરિવાર ના પ્રજ્ઞેશ પાંડે દ્વારા પરિવાર દ્વારા આપવામાં આવતી નિઃશુલ્ક સહાય અંગે ની વિસ્તૃત માહિતીઓ આપવામાં આવી હતી, વલસાડ મ્યુનિસિપલ હોસ્પિટલ ના ડો. શ્રી રોહનભાઈ પટેલ દ્વારા પાંડે પરિવાર થકી હોસ્પિટલ ને કરવામાં આવતી સહાય અંગે આભાર વ્યક્ત કરી આ કાર્ય અવિરત ચાલુ રહે એવી આશા વ્યક્ત કરી હતી,કાર્યક્રમ માં વલસાડ જિલ્લા ભાજપ ના મહામંત્રી શ્રી કમલેશભાઈ પટેલ,મહામંત્રી શ્રી શિલ્પેશભાઈ દેસાઈ, વલસાડ નગરપાલિકાના પ્રમુખ શ્રીમતી કિન્નરીબેન પટેલ,વલસાડ નગરપાલિકા ના વિરોધ પક્ષ ના નેતા શ્રી ગીરીશભાઈ દેસાઈ,વલસાડ વિભાગના ડી.વાય.એસ.પી.શ્રી એમ.એન.ચાવડા,વલસાડ જિલ્લા કોંગ્રેસ ના ઉપપ્રમુખ શ્રી ધર્મેશ ઉર્ફે ભોલાભાઈ પટેલ,વલસાડ મુસ્લિમ સમાજ ના અગ્રણી મોલાના અબ્દુલ અઝીઝ,વલસાડ શિક્ષણ વિભાગના બી.આર.સી.કોઓર્ડીનેટર શ્રી મિતેશભાઈ પટેલ,વલસાડ કસ્તુરબા હોસ્પિટલ ના ફીઝીશીયન ડો.સમીરભાઈ દેસાઈ,વલસાડ ના પ્રસિધ્ધ ગાયનેક ડો. યોગીનીબેન રોલેકર સહિત પાલિકા ના સભ્યો,પાંડે પરિવાર ના સભ્યો શુભેછકો,એમ.આર.મિત્રો, શિક્ષણ વિભાગના સી.આર.સી.કો ઓર્ડીનેટર, પરિવારજનો,મિત્રવર્તુળ ઉપસ્થિત રહ્યા હતા,સમગ્ર કાર્યક્રમ નું સંચાલન પાંડે પરિવાર ના પુત્રવધુ તેમજ શિક્ષિકા શ્રીમતી મેઘાબેન પાંડે દ્વારા કરવામાં આવ્યું હતું…
Your IP Address : 35.172.230.154
