હાર્દિક પંડ્યાની માહિકા શર્માને બર્થડે વિશ: હાર્દિકે રમત પ્રત્યે પોતાનો જૂસ્સો ફરી મેળવવા પાછળ તેની ગર્લફ્રેન્ડ માહિકાનો મોટો હાથ હોવાનું જણાવ્યું હતું.
ભારતીય ક્રિકેટ ટીમના સ્ટાર ઓલરાઉન્ડર હાર્દિક પંડ્યાએ તેની ગર્લફ્રેન્ડ માહિકા શર્માના જન્મદિવસ પર સોશિયલ મીડિયા દ્વારા ખાસ અંદાજમાં શુભેચ્છા પાઠવી છે. હાર્દિક પંડ્યાએ તેના સત્તાવાર ઇન્સ્ટાગ્રામ હેન્ડલ પર એક સ્ટોરી શેર કરી છે, જેમાં તેણે માહિકા શર્મા સાથેનો એક ફોટો પોસ્ટ કર્યો છે. આ ફોટો સાથે હાર્દિકે કેપ્શનમાં લખ્યું છે, “હેપ્પી બર્થડે પ્રિન્સેસ” (Happy Birthday Princess). હાર્દિકની આ પોસ્ટ સોશિયલ મીડિયા પર ખૂબ જ ઝડપથી વાયરલ થઈ રહી છે.
હાર્દિકે આ રીતે કર્યા હતા માહિકાના વખાણ
આ પહેલીવાર નથી જ્યારે હાર્દિકે માહિકા પ્રત્યે પોતાનો પ્રેમ વ્યક્ત કર્યો હોય. આ પહેલા ‘જિયો હોટસ્ટાર’ પર એક વાતચીત દરમિયાન હાર્દિક પંડ્યાએ પોતાના અંગત જીવન અને કરિયર વિશે ખુલીને વાત કરી હતી. તે દરમિયાન તેણે માહિકા શર્માના જોરદાર વખાણ કર્યા હતા.
પંડ્યાએ તે વાતચીતમાં એક મોટો ખુલાસો કરતા કહ્યું હતું કે, એક સમય એવો હતો જ્યારે તે રમતથી માનસિક રીતે દૂર અનુભવી રહ્યો હતો, પરંતુ માહિકાએ તેને ફરીથી ક્રિકેટ પ્રત્યેનો પ્રેમ શોધવામાં મદદ કરી. હાર્દિકે શ્રેય આપતા કહ્યું હતું કે રમત પ્રત્યેનો પોતાનો જૂસ્સો પાછો મેળવવા પાછળ તેની ગર્લફ્રેન્ડ માહિકાનો મોટો હાથ છે.
હાર્દિક પંડ્યા હાલમાં તેની પ્રોફેશનલ લાઈફની સાથે સાથે પોતાની પર્સનલ લાઈફને લઈને પણ ચર્ચામાં છે. હાર્દિક હાલમાં ક્રિકેટના મેદાન પર રમાઈ રહેલા T20 વર્લ્ડ કપ 2026 માં શાનદાર ઓલરાઉન્ડ પ્રદર્શન કરી રહ્યો છે.
