Gujarat : ગુજરાતના જાણીતા દૂધ બ્રાન્ડ અમૂલ વિરુદ્ધ સોશિયલ મીડિયા પર ભ્રામક માહિતી ફેલાવવાના આરોપ સામે ચાંદખેડા પોલીસે ગુનો નોંધી તપાસ શરૂ કરી છે. રાજકોટના ડૉક્ટર હિતેશ જાની દ્વારા સોશિયલ મીડિયામાં એવો વીડિયો શેર કરવામાં આવ્યો હતો, જેમાં તેમણે અમૂલ દૂધમાં કેમિકલ અને પ્રતિબંધિત જંતુનાશક દવાઓ ભેળવાતી હોવાના ગંભીર આક્ષેપો કર્યા હતા. આ મામલે અમૂલ કંપનીના ક્વોલિટી એશ્યોરન્સના આસિસ્ટન્ટ મેનેજર આકાશ પૂરોહિતે ફરિયાદ નોંધાવી છે.
વિડિયોમાં કરાયેલા મુખ્ય આક્ષેપો.
ડૉ. હિતેશ જાનીના વાયરલ વીડિયોમાં દાવો કરવામાં આવ્યો છે કે
અમૂલ દૂધમાં 22 પ્રકારના કેમિકલ ઉમેરવામાં આવે છે
ડીડીટી જેવી પ્રતિબંધિત કીટનાશક દવા દૂધમાં હોવાનું
દૂધ 7 દિવસ જૂનું હોય છે
500 મી.લી. પાઉચમાં માત્ર 480–490 મી.લી. જ ભરાય છે
બજારમાં ISI અને FSSAI સ્ટેમ્પ ધરાવતા ઉત્પાદનો પણ “અસુરક્ષિત” છે
અને સમગ્ર સિસ્ટમ “વિદેશી નિયંત્રણ હેઠળ” છે
આ આક્ષેપોને આધારે સોશિયલ મીડિયા પર ચર્ચા અને ભયનું માહોલ સર્જાયો હતો.
અમૂલનું સ્પષ્ટીકરણ
ફરિયાદકર્તા આસિસ્ટન્ટ મેનેજર આકાશ પૂરોહિતે જણાવ્યું કે
“વિડિયોમાં કરવામાં આવેલા બધા આક્ષેપો સંપૂર્ણપણે ખોટા, વિજ્ઞાનવિહોણા અને ભ્રામક છે. અમૂલમાં તમામ દૂધની પ્રક્રિયા FSSAI, ISO અને NABL માન્ય લેબોરેટરી માપદંડો હેઠળ થાય છે.
આ પ્રકારના વીડિયો સમાજમાં અવિશ્વાસ અને ગેરસમજ ફેલાવવા માટે બનાવવામાં આવે છે.”
કંપનીએ જણાવ્યું કે આ વિડિયો દ્વારા સહકારી સંસ્થાની પ્રતિષ્ઠા અને વિશ્વાસને નુકસાન પહોંચાડવાનો પ્રયાસ કરવામાં આવ્યો છે.
પોલીસે ગુનો નોંધી તપાસ શરૂ કરી
ચાંદખેડા પોલીસ સ્ટેશનમાં ધારા 469, 500, 505(1)(B) તથા સંબંધિત IT એક્ટ હેઠળ ગુનો દાખલ કરવામાં આવ્યો છે.
પોલીસ હવે
વીડિયોની મૂળ વિગતો
ઇરાદો
અને તેના ફેલાવાના નેટવર્કની
તપાસ કરી રહી છે.
પરિણામ અને સંદર્ભ
અમૂલ ખાતરી આપે છે કે તેની તમામ પ્રોડક્ટ્સ ગુણવત્તાનિયમોનું પાલન કરે છે