ઉત્તર પ્રદેશના બરેલી જિલ્લાનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં એક વ્યક્તિ હવામાં ઉડતો જોવા મળી રહ્યો છે અને પછી ઝડપથી જમીન પર પટકાય છે. જણાવવામાં આવી રહ્યું છે કે આ વીડિયો નન્હે મિયાં નામના વ્યક્તિનો છે, જે ટીન શેડના થાંભલાને પકડીને ઉભો હતો અને અચાનક જેવી આંધી તેજ થઈ, તે ટીન શેડની સાથે જ હવામાં ઉડી ગયો.
ઉત્તર પ્રદેશમાં વીતેલા બુધવારે જે આંધી-તોફાન આવ્યા, તેની તસવીરો હૃદય હચમચાવી દે તેવી હતી. દીવાલો અને ઝાડ નીચે લોકો દબાયેલા હતા. આવો જ એક ભયાનક મંજર બરેલી જિલ્લામાં જોવા મળ્યો, જ્યાં ટીન શેડ પકડીને ઉભેલો યુવક આકાશમાં પતંગની જેમ લહેરાતો દેખાયો, જેને જોઈને કોઈનું પણ દિલ ધ્રૂજી જાય.
હવામાં પ્લાસ્ટિકની જેમ લહેરાતો રહ્યો યુવક
એક યુવક બરેલી જિલ્લામાં ભારે તોફાન વચ્ચે એક લગ્નમંડપ (બારાતઘર) ના ટીન શેડનો પાયો પકડીને ઉભા હતા. જ્યારે આંધી તેજ થઈ ત્યારે ટીન શેડ ઉખડી ગયું અને તેની સાથે યુવક પણ હવામાં ઉડી ગયો હતો. યુવક એવી રીતે ઉડ્યા કે ટીન શેડ તો જમીન પર આવી ગયું પણ તે ઘણી વાર સુધી હવામાં ઉડતો રહ્યો અને પછી ખેતરની વચ્ચે જઈને પડ્યો.
જણાવવામાં આવી રહ્યું છે કે યુવકના હાથ-પગ બંને ભાંગી ગયા છે. ત્યારબાદ તેને ગંભીર હાલતમાં હોસ્પિટલમાં દાખલ કરવામાં આવ્યા છે, જ્યાં તેની સારવાર ચાલી રહી છે. ઉલ્લેખનીય છે કે, ગત બુધવારે ઉત્તર પ્રદેશમાં આંધી-તોફાન, વીજળી પડવી અને વરસાદ જેવી ઘટનાઓમાં 70 થી વધુ લોકોના મોત થયા હતા.
સીએમ યોગીના અધિકારીઓને કડક નિર્દેશ
મુખ્યમંત્રીના નિર્દેશ પર આંધી, અતિવૃષ્ટિ અને વીજળી પડવાને કારણે થયેલી જાનહાનિ બદલ પીડિતોને વળતર આપવાનું શરૂ કરી દેવામાં આવ્યું છે. સીએમએ જાનહાનિ, પશુહાનિ અને આર્થિક નુકસાનનું આકલન કરીને 24 કલાકમાં વળતર આપવાનો આદેશ આપ્યો છે.
- સીએમએ તમામ જિલ્લાના DM ને મેદાનમાં ઉતરીને પીડિતોને મળી શક્ય તમામ મદદ પૂરી પાડવા જણાવ્યું છે.
- તેમણે કડક સૂચના આપતા કહ્યું છે કે જિલ્લાના વરિષ્ઠ અધિકારીઓ પોતે જઈને પીડિતોની મુલાકાત લે.
- પીડિતોની અવગણના કોઈપણ સંજોગોમાં ચલાવી લેવામાં આવશે નહીં.
- મુખ્યમંત્રીના આદેશ પર રાહત કમિશનરની કચેરી દ્વારા જિલ્લાઓની સ્થિતિ પર સતત નજર રાખવામાં આવી રહી છે.
