પૂર્વ દિલ્હીથી એક ચોંકાવનારી ઘટના સામે આવી છે, જ્યાં એક 28 વર્ષીય યુવકે ‘ભૂલથી’ પોતાની છાતીમાં ગોળી મારી દીધી, જ્યારે તેનો પિતરાઈ ભાઈ આ ઘટનાનો વીડિયો બનાવી રહ્યો હતો. મૃતકની ઓળખ દલ્લુપુરા ગામના રહેવાસી પવન તરીકે થઈ છે. પોલીસના જણાવ્યા અનુસાર, આ ઘટના કેમેરામાં કેદ થઈ ગઈ છે. જોકે, વીડિયો બનાવનાર યુવકને પવનના ઈરાદાની જાણ નહોતી.
રુવાંટા ઊભા કરી દે તેવો વીડિયો સામે આવ્યો
પોલીસના જણાવ્યા અનુસાર, આ ઘટના ન્યૂ અશોક નગરના દલ્લુપુરા વિસ્તારમાં બની હતી, જ્યારે પવન તેના પિતરાઈ ભાઈ હિમાંશુની લાયસન્સી પિસ્તોલ ચલાવી રહ્યો હતો. પ્રારંભિક તપાસમાં જાણવા મળ્યું છે કે તે એક વીડિયો રેકોર્ડ કરી રહ્યો હતો અને કોઈ સ્ટંટ કરવાનો પ્રયાસ કરી રહ્યો હતો, ત્યારે જ તેણે પિસ્તોલમાં મેગેઝીન નાખ્યું, તેને પોતાની છાતી પર રાખ્યું અને ટ્રિગર દબાવી દીધું, જેના કારણે તેનું મોત નીપજ્યું.
